Este día de chuvia intensa é o tal para quedar na casa a comer castañas e escuitar historias como a que contou o avóM sobre o día de onte. Xa era noite pecha cando andaban cabalos de monte por fóra da casa e alá foi o avóM axotalos para que non entrasen. Logo de marcharen os cabalos apareceulle na cancela unha " comitiva " de seis ou sete rapaces disfrazados. Os rapaces dixéronlle se lles daba algo ( nada de truco ou trato ). AvóM preguntou porque lles había dar algo e un que ía cunha saba branca e unhas barbas brancas dixo: " Porque eu son Dios ". AvóM topou a excusa perfecta: " Pero Dios dá e non pide. " O rapaz retrucoulle: " Iso era antes. Tamén don Adolfo antes daba ( un cura da zona ) e agora pide." Como tiña razón deulles un euro. E alá marchou a comitiva por eses camiños.
Este paréceme un bo exemplo de adaptación do halloween á retranca galega: un disfraz de Deus pedindo cartos.
Pois si que é un bo exemplo.
ResponderEliminarOxalá recuperáramos as nosas tradicións e crearamos outras novas, pero nunca copiando o alleo.
eu mirei aterrada como marín se enchía de rapaces disfrazados ao máis puro estilo ianqui. estou segura de que ningún deles sabe o que é o samaín :(
ResponderEliminarEspléndido; estupenda anécdota mollada pola impenitente choiva
ResponderEliminarBicos.
hahahaha es buenísimo!!!
ResponderEliminarQue rapaz máis agudo!!! Bo e ver que a retranca típica galega continúa nas novas xeracións.
ResponderEliminarBicos!!
Non sei que ten este día, pero algo raro ten. A historia que contas é típica, galeguiña ,galeguiña
ResponderEliminarUn saudo A.Cris
Eu Creo que oko esta un pouco equivocada en Marín si se celebra o samaín e fano en todos os colexios, logo os poyitos a mocidade adolescente sucumbe ao fenómeno americano pero si saben moi ben que é e que significa a noite de samaín. Un abrazo veciña. A.Cris
ResponderEliminarDende logo que si...prciosa a anecdota, o que xa non estou tan dacordo é co dichoso Halloween, o como demo se diga....Dichosos Americanos, e dichoso marketing, temos que ser todos como eles????
ResponderEliminarMoi boa retranca, si señor, ise mozo promete. SAúdos
ResponderEliminarPrimeiro disculpome de novo, sintome mal por non facer o meme.
ResponderEliminarO meu fillo foi a pedir polas casa, e por aqui si que deron os caramelos.
Mais, gustariame que celebraran o sanmaín, e mais da terra,non?
Bicos
o de que a festa de halloween non se impoña, e como poñerlle portas ó campo.
ResponderEliminarno tempo en que a xente se pode comunicar con xente instantáneamente estea onde estea, fai que cambien moitas cousas,
e unha delas é adoptar costumes foráneas coma do mais natural,
pero creo que tamén será inevitable que enseguida se adapten ás peculiaridades de cada sitio.
nós preocupémonos porque non se perdan as nosas, e incluso expandilas.
a min xa me preguntou xente de fora que era eso do magosto,
e que lle gustaba esa festa,
asi que pronto
uns rubios nórdicosw
pode que estean a asar castañas
polo sanmartiño
:-)
mirémoslle a parte boa a esto da globalización.
Grande saída do pícaro! Miña nai ten outra para os pedichóns: "Outros coma ti viñeron antes e non levaron nada... e a todos non se lles pode dar!"
ResponderEliminar