Magosto e pincha
Aproveitamos este novembro seco de máis para ir ó monte e asar chourizos e castañas en boa compaña. E despóis da sobremesa houbo unha partida de pincha, nome polo que se coñece a billarda por esta zona. Este xogo ten varios nomes como cachiza pola zona de Tomiño, escanícula en Redondela, lipe en Marín, etc, etc. Só faltou no magosto enfarruscar a cara coas cinsas da fogueira. Quedará para o ano que vén...Etiquetas: etnografia I, lingua I
enviado por paideleo @ 11:06 p.m.
18 comentarios:
Xa sabía eu que habías colgar esa foto. A que van pensar que fomos ao mesmo magosto?
Que envexa!
que ven o pasastes ¿non?
Magosto sen manchar a cara é menos magosto. ;)
Pois precisamente comenza hoxe na Coruña a liga noroeste de bilarda.
eu quero reivindicar a palabra "cachiça" para ese xogo :D
As castañas non me gusta moito comelas pero o cheiro mentras se asan encántame...
Unha aperta nun Domingo frío e chuvioso.
:)
Que perdure a saudable tradicións dos magostos: Por certo, o nome magosto si está completamente aceptado en todas as zonas de Galicia.
O xogo da billarda si que recibe ben nomes diferentes. Algúns dos que pós non os coñezo. Aquí dicísmoslle billarda ou estornela. E ben tempo hai que non xogo.
Moitos saúdos.
Bueno, en Arbo magosto é magusto pero xa sabemos que Arbo está máis cerca de Portugal que de España.
Eu probeinas este finde por primeira vez este ano. Que boas estaban, meu!!!
espero que o pasarades ben :) Un saudo e unha aperta :)
Da gusto ver ese lume.
enveja de magostos e de chuvias, que seica jà vos van cheghando tambén...
Pois eu tamén fixen un magostiño na compaña de amigos, primos e fillos de todos os que nos xuntamos, asamos chourizos e panceta, e por suposto castañas que estaban boísimas. Agora quédame comer burgazos (castañas cocidas) que me encantan pero que dan moito traballo porque as hai que pelar crúas.
Un saudiño.
A min pásame como a Pícara, chíflame o cheiro das castañas pero non gosto delas, cousa rara, verdade...?
E o máis peor aínda, tampoco me gusta o chourizo, e iso que non son moi prepunatiña para comere, pero en fin...Cousas que ten a vida!
Aquí chamamosle xogar a villa ou o palán. Posiblemente fagamos pro ano un equipo e inscribiremonos na Liga Galega. Anímovos a facer o mismo.
Magusto nós costumamos fazer no dia de S. Martinho.
Um abraço e uma óptima semana
Que ben, xa temos con quen contar para montar a conferencia suroeste da Liga Nacional de Billarda. :-)
Publicar un comentario
És humano ti ?
Subscribirse a Publicar comentarios [Atom]
<< Inicio