leoeosseus

Tuesday, 22 July 2008

Eu non son do blogomillo



Hai tempo lin nun blogo as características que había que ter para pertencer ao blogomillo e quero saber se as cumpro.


Netiqueta pra blogomillo


É necesario. O colectivo "autóctono" enxebre e auto publicitado ven-de un exemplo do pulo na Galiza. O "colectivo" blogueiro jallejo está auto denominado como blogomillo. Espero que non todo. Como colectivo que perpetra na rede os seus feitos necesita dunhas definicións e xeitos proprios que o diferencien.

UN TI NON podes formar parte do blogomillo, o blogomillo non elixe nen é elexido polos seus integrantes. Iso fano dende fora ( e a isto digo non sei como se elixe. Creo que con ter un blogo en galego xa formas parte do blogomillo. Por este motivo eu formaría parte do blogomillo. Igual que o Nemigo. Punto a favor.)

DOUS é o número mínimo de blogueiros necesario pra ser oficialmente do "movemento" Cando te citen dúas veces xa tes colar ( será. Non sei. o blogomillo non creo que sexa un movemento. Eu creo que teño ese colar posto por máis de dúas persoas. Punto a favor.)

TRES é o número máximo de entradas que pode facer un blogueiro nun mes ( aí desentono. En abril escribín 17 posteos. Poño abril porque foi o mes anterior a esta categorización e así non puiden facer trampas. Segundo a definición do Nemigo eu non pertencería ao blogomillo.)

CATRO nunca serás do blogomillo se non participaches nalgunha xuntanza do clan ( Eu participei en dúas e xa me considera de antes membro do blogomillo.)

CINCO por el culo... ( sae un ornitorrinco ?. Punto nulo.)

SEIS nunca, nunca, endexamáis no blogomillo se fala do agro ou do mar iso non é geek ( vaia, cando falo da natureza ou de vendimas deixo de pertencer ao blogomillo.)

SETE a cidade. O blogomillo é urbanita ( No meu caso falo de vilas e aldeas e mui pouco de cidades.)

OITO a ser posible se bloguea dende madrí ou barna outras cidades do estado dan menos sona ( eu empecei escribindo dende os EEUU así que serei do máis. Agora blogueo dende unha vila así que non son blogomilleiro.)

NOVE comentarios: nen unha chistada. O dito no blogomillo é a única mentira verdadeira ( remítome a abril: 173 comentarios e restamos 8 que fixen eu e a conta resulta 165. Non son do blogomillo.)

DEZ sen argumentos. As reflexións do blogomillo teñen a profundidade dunha fochanca ( non procuro reflexionar. Non son así. Punto a favor da pertenza ao blogomillo. )

ONCE sen visión. O blogomillo ten pendente falar da actualidade e do país ( se actualidade é política, novas de periódico e deportes de masas entón engado un punto a favor da miña pertenza ao blogomillo.)

DOCE endogámico. O blogomillo é endogámico. Só sabe de porno e pra iso pouco e malo ( eu pouco navego fóra das miñas ligazóns. O porno non é o meu. Metade a favor, metade en contra. )

TRECE ERDF no blogomillo sería incesto ( non entendo este punto. Coma o cinco.)

CATORCE prescindible. O blogomillo é prescindible ( totalmente a favor. Antes non existía e viviamos igual. O mesmo pasa cos coches, coa tele, cos ordenadores, etc. Pertenzo ao blogomillo. )

QUINCE subvencionable. O blogomillo gustaría da sopa boba en san caetano ( quen non ?. Pero non creo que se dea o caso. O meu blogo non entraría neste punto.)

DEZASEIS inútil. O blogomillo non serve pra nada e nada aporta ( depende. Serve para comunicación entre xente de gustos minoritarios e a distancia que doutro xeito non se podería comunicar. )

E o resultado sería... Cinco puntos a favor, tres nulos e oito en contra; logo eu non pertenzo ao blogomillo.

Labels:

18 Comments:

At 23/07/2008, 12:18 , Blogger bagoas insomnes said...

Ups1
ai!
jejej!
así clariño clariño e como a min me justa q se digan as cousas!


de feito,creo q vouno ler de novo, jeje e ademáis voume informar ben e ben, a ver si son ou non son, aínda q paso bastante de ser de niguén!

o q si teño curiosidade e polo punto cinco, ji!
bueno un saúdiño para todiños sexades ou non do .....................

 
At 23/07/2008, 14:02 , Anonymous câosemdono said...

Eu engadiría: pecar un pouco de inseguridade personal e que o noso propio embigo sexa un motivo de contemplación recurrente. Claro que estas son condicións inherentes a todo blogueiro (blogomilleiro ou non) que se precie. Personalmente non sei se pertenzo ou non ó colectivo. En calquera caso, miña nai sempre insiste en que mire moio con quen me mesturo...

 
At 23/07/2008, 18:46 , Anonymous Iria said...

Nin sabía do blogomillo e, tal e como o presenta vostede, creo que seguirei sin saber...
Biquiños ó Leo, que xa facía tempo que non me pasaba.

 
At 23/07/2008, 19:16 , Blogger Carlos Sousa said...

Algo do blogomillo tiña visto por ahí, non sabía que era, e ainda no nó sei, busquen en Google, aparecen 5000 e picos blogs inscritos, o teu é o nº 18.
Non me entero de nada.

 
At 23/07/2008, 21:22 , Blogger Meninheira said...

ains, que tiña un cativo no colo.

Só eran uns risos, é unha mensaxe moi retranqueira. :)

 
At 23/07/2008, 22:26 , Blogger Lúa said...

con tódolos respetos, nin son do blogomillo nin jañas...menuda m.e.r.d.a!!!!!!!!!!!!!!!

 
At 24/07/2008, 00:35 , Blogger abueloscrisytoño said...

O mellor da vida é poder facer o que un quere, tratando de non molestar a ninguén e cando se decide facer un blog un ten que seguir as súas propias ideas ser un mesmo e seguir adiante. Ninguén ten dereito a dicirche como tes que facelo. Si acepto as axudas de persoas como ti que son sensatas e sabias.
Un saúdo A. Cris

 
At 24/07/2008, 09:14 , Blogger ictioscopio said...

a mala fonte fuches dar para "definir" o blogomillo... :P alguén vai pensar que esa netiqueta é real e o blogomillo é un clube con "reservado o dereito de admisión", cando non é máis, ou eu sempre o entendín así, que a totalidade dos blogs escritos en galego como xeito diferenciador. O que pasa é que cando xurdiu o termo eranse catro gatos e agora son máis de 5000, e claro, aquel sentimento de colectividade unida e próxima perdeuse. Agora supoño que o blogomillo está feito de pequenos grupos afins, coma calquera pandilla na vida fóra da rede; e apenas hai relacións entre uns e outros agás por algúns que andan en varias desas camarillas ao tempo, o cal non é nin bo nin malo, simplesmente unha evolución natural.
Por tanto podería dicirse que o blogomillo somos todos e ninguén, e cada un ao seu xeito, os sociables e os que van a súa bóla (como o que escribiu ese "dezaseisálogo").

saúdos

 
At 24/07/2008, 09:29 , Blogger ictioscopio said...

Isto é de hai case que dous anos pero pode ser bastante ilustrativo, aínda que hai opinións algo ventureiras...
E como poderedes ler, hai quen di que o blogomillo está morto, por tanto, que máis ten ser ou non ser? :P

 
At 24/07/2008, 09:44 , Blogger LM said...

hehehehe...que simpático...

 
At 25/07/2008, 00:36 , Blogger Peke said...

Flipo. De verdade. O blogmillo foi un invento de María Yáñez, Todonada. Quen pon regras ao que non debería ter ningunha regra? Quen se atreve a apropiarse de algo que non lle pertence? Porque en internet nada é de nínguén. Non sigo porque me incendio.

 
At 25/07/2008, 11:13 , Blogger Meninheira said...

Eu creio que esa mensaxe era pura retranca eh? ;)

 
At 25/07/2008, 21:00 , Blogger Kaplan said...

daquela eu non son do blogomillo (nin can que me ladre); ademais, estou con peke: ninguén lle poña portas ao campo

 
At 25/07/2008, 21:11 , Anonymous Paquito de Penas said...

A min non me parece moi acertado ese decálogo, pero bueno, xa se sabe que a xente sempre ten a necesidade de medilo todo.
Unha aperta.

 
At 26/07/2008, 12:43 , Blogger Marinha de Allegue said...

Eu tamén flipo, pásame coma Peke.
Sen palabras.

Coideseme e disfrute do verán!!!.

Beijinhos para toda a familia.
:)

 
At 27/07/2008, 23:16 , Blogger paideleo said...

Graciñas a todos polos vosos comentarios.
Eu penso que o Nemigo este quere buscar bulla e non lle gusta como está montado o asunto blogueiro en Galicia.
O blogomillo é algo mui complexo ( explícao ben ictioscopio ) e non se pode definir sinxelamente.

 
At 28/07/2008, 01:53 , Anonymous Doutora Seymour said...

As etiquetas limitan e tenden a uniformar. É moito máis interesante ver como cada un vai á súa bola, enriquece moito máis.

 
At 02/08/2008, 19:28 , Blogger Ghanito said...

meu benquerido acedre, don't feed the troll

E por sorte, o blogomillo (os blogues escritos en galego, sen mais condicións de pertenza) segue vivo, ainda que sexan outros novos os que manteñan o seu pulo.

E ilustres veteráns coma vostede, claro :D

 

Post a Comment

Subscribe to Post Comments [Atom]

Links to this post:

Create a Link

<< Home