Páxinas

▼

domingo, 21 de febreiro de 2010

Espodando nun día revolto


Axudei a espodar vimbias para sacar " verghas " e " cimos " para atar as viñas tal como o ano pasado. O vento zoaba fóra e a trécola non tiña paraxe e de cando en vez caía do ceo unha treixada formidable. O Leo quixo mesturar os cimos coas verghas un momento pero estivo o máis do tempo a xogar coas avoas no seguro da casa. Dende alí o Leo puido observar a uns rapaces que entretiñan a súa tarde pastando unha vaca branca e dúas cabras. Eu aproveitei e aprendín a palabra " petelo " coa que define a bisavoa Celia a bóla pequena de pantrigo da foto.
ás

15 comentarios:

  1. matrioska_verde21/02/10, 23:01

    vaia, cantas palabras novas...

    pero non esta ben que deixaras aquí esa bola de pan, eu a loitar cos kilos e vas ti e me pos a tentación diante... eso non se fai, home.

    biquiños,

    p.d.: por aquí tamén venteou de lo lindo.

    ResponderEliminar
  2. Chousa da Alcandra21/02/10, 23:07

    Polo visto o día estivo alporizado en todo o país (incluida Compostela, a onde me levou a fin de semana).
    Curiosamente fun probar o viño novo de Chantada a un restaurante ubicado no concello de Teo. Non hai como dar voltas para chegar moi perto...

    Apertas

    ResponderEliminar
  3. A nena do paraugas22/02/10, 00:00

    Unha bola...
    Se era de dous quilos era un bolo. Se era dun quilo era bola. Se era pequecha, dun anaco de masa que quedaba nunha esquina da artesa e que se poñía a cocer na boca do forno para que a comesemos as crianzas, así quentiña, antes de sacar a fornada, era un bolico ou bolechiña.
    Aprendín a amasar con meu avó e con miña nai e non hai recendo no mundo que iguale ao do pan quente, recén sacado do forno.
    Bicos para Leo.

    ResponderEliminar
  4. Carlos Sousa22/02/10, 00:39

    Xa non me lembro de espodar vimbias, e ben seguro que o fixen. Como cambian os tempos.
    Se cadra haberá que volver a facelo...

    ResponderEliminar
  5. fonsilleda22/02/10, 01:04

    Bo aspecto ten a bola, aínda que petelo, que non coñecía, tamén me gusta moito.
    Na miña zona non había vides, polo tanto, esas actividades comencei a coñecelas agora.
    Bicos

    ResponderEliminar
  6. An22/02/10, 02:46

    interesante,,,eu non che sabía ese nome...as bolas sempre lles chamei moletes, inda que por ser so son moletes as que teñen pirucho,Saúdos

    ResponderEliminar
  7. HADEX22/02/10, 10:30

    ummmmmmm....que pinta ten ese bolo!!! NA casa do meu pai facíanse máis de centeo que de trigo.....ai!! Que delicia!!

    ResponderEliminar
  8. Dilaida22/02/10, 12:27

    Xa vexo que foi unha fin de semana moi entretida.
    Bicos

    ResponderEliminar
  9. vintxuca23/02/10, 00:00

    Finde completinha!!!! Petelo, apúntome a palabra, gustoume moito....como lhe chamades ó bultinho duro que queda arriba nas bolas de pan...????na minha familia chámano biricoque.
    Unha aperta!!!!!!

    ResponderEliminar
  10. Paz Zeltia23/02/10, 14:10

    "petelo" non escoitara.
    somentes "bolo" "bolequiño", (redondos ou algo alongados e pequenos)
    "bola" (co "o" pechado)(máis plana)
    molete (redondo, grandeiro e con moito miolo)

    ResponderEliminar
  11. Anónimo23/02/10, 21:13

    Que fogaza, por deus, que ganas de entrar na foto e darlle unha bocada

    ResponderEliminar
  12. vakastolas23/02/10, 21:53

    Petelo, outra cousa para aprender. COnfirmado: media hora de bloguear da máis coñecemento que unha semana de tv.

    ResponderEliminar
  13. Raposo23/02/10, 22:57

    Pois non coñecía ese significado da palabra petelo.
    Coñezo, si, a expresión darlle o petelo: baduar ou latricar.
    Apertas.

    ResponderEliminar
  14. Angel Utrera24/02/10, 21:09

    Non sei se non deberias recopilar todos estes termos, realmente Eu nunca os lein, e facer unha aespecie de diccionario...Estaria ben.
    Unha aperta.

    ResponderEliminar
  15. paideleo26/02/10, 22:34

    Aldabra: gústame ensinar o que aprendo.
    O petelo tiña que saír retratado, síntoo.
    Chousa da Alcandra: hai que ver que voltas dá a vida.
    A nena do paraugas: cantas vivenzas tés que eu non teño !.
    Carlos Sousa: eu levopouco espodando pero hai que ir aprendendo que non sabemos o que nos espera.
    fonsilleda: pois o petelo ten máis fotoxenia que sabor pero é o obxecto protagonista e hai que reflexalo.
    An: eu tamén oíra o de moletes pero non sabía do pirucho.
    HADEX: etse en concreto é de padaría. En Arbo fan panmillo na casa, nada de trigo ou centeo.
    Dilaida: normaliña de todo.
    vintxuca: ves ?, así tamén eu aprendo. Biricoque, pirucho...
    zeltia: pois contigo tamén se aprende. Demostrado.
    Kaplan: chegaches tarde. O petelo é exclusivamente para a bisavoa Celia que non pode comer codia nin pan duro.
    vakastolas: por suposto.E o bó é que é interactivo.
    Raposo: pois eu aprendo esa expresión,mira ti.
    Angel Utrera: para iso ( eoutras cousas ) teño o blogo.
    Na etiqueta lingua teño todas estas palabras e expresións almacenadas.

    ResponderEliminar

És humano ti ?