leoeosseus

Wednesday, 16 November 2011

Natillas caseiras



Ao Leo gústanlle as natillas de chocolate mercadas. É normal. Pero Naideleo quería que comera algo máis san e fíxollas caseiras servidas nunha copa de cristal pero a Leo non lle chistou o cambio de sabor. Naideleo non se resignou e probou a enganalo uns días máis tarde. Lavou uns botes de natillas compradas e encheunos coas caseiras. Leo empezou a comer unha destas e espetoulle á nai: - " Mamá, estas natillas fixéchelas tu ! " . A nai preguntoulle: - " Por que o dis ? " . " Porque saben como as de copa de cristal ", foi a resposta. Naideleo convenceuno: - " Tés razón, pero non saben tan mal, verdade ? ". Leo seguiu a comela un pouco pensativo e soltoulle todo extrañado dalí a un chisco: - " E como fixeches o bote ? ".

Labels:

13 Comments:

At 16/11/2011, 20:15 , Blogger Kaplan said...

Ai, pobre!

 
At 16/11/2011, 20:28 , Blogger Xabres da Teixeira said...

Este Leo vai ser mundial.Xa vereis como a partir de agora as come. As da nai quero decir.

 
At 16/11/2011, 20:45 , Anonymous peke said...

Pobre Naideleo. Non hai quen engane os cativos.

 
At 16/11/2011, 22:05 , Blogger Dilaida said...

Calquera se atreve a enganar a Leo.Espero que a partir de agora tamén lle gusten as que lle fai a súa nai.
Bicos

 
At 16/11/2011, 22:34 , Blogger Ana Cosque said...

Só se me ocorre unha cousa: "Son listos coma allos!"

 
At 17/11/2011, 06:14 , Anonymous A nena do paraugas said...

É o que ten querer despistar a atención dunha crianza coma Leo: convencer convencerase, pero sempre ha de ter algo que pique a súa curiosidade.
Encántame este rapaz!

 
At 17/11/2011, 10:10 , Anonymous xenevra said...

Impagábeis os sorrisos con que nos agasallan.

 
At 17/11/2011, 19:24 , Blogger Raposo said...

Hai que ver o listos que son os nenos, eh!!

 
At 17/11/2011, 21:55 , Blogger mfc said...

Ehehehehehehe... está a ser difícil enganá-lo!!

 
At 18/11/2011, 01:59 , Blogger Son Unha Xoaniña said...

E que son listos de raio, eu estou por escribir as ocurrencias do meu neto, as veces téñome que rir aforza,

 
At 18/11/2011, 09:57 , Anonymous Eva G. Rei said...

Era visto. Non hai quen os engane.
Aínda así foi boa idea o intento, e ao final hase de convencer.

 
At 18/11/2011, 20:45 , Blogger Chousa da Alcandra said...

Sendo algo máis pequecha a señorita Chousa, mirando a pequena aceiteira, preguntoulle a súa nai:
- Mamá, e logo como fas para meter o aceite dentro?
Eu, por meter tralla, resposteille:
- Cólleo da botella na boca, e chímpao dentro polo furadiño.
Miroume sorprendidísima e respostou:
- E non será malo para ela?

 
At 20/11/2011, 23:20 , Blogger zeltia said...

jajaja, vai saír un gourmet da comida prefabricada!
(non se lle pode negar que é capaz de aprezar a diferencia inda que se decante polos conservantes e colorantes!)

 

Post a Comment

Subscribe to Post Comments [Atom]

Links to this post:

Create a Link

<< Home