Continúa estado alarma

Xa mudou a mensaxe nos paneis e agora pon " Continúa estado alarma " onde antes puña " Prohibidas viaxes non xustificadas " pero xa está todo relaxado.
Aquí e acolá hai xente e hai colas para entrar en tendas de xardinería ( iso si, prácticamente toda a xente con máscara ) e comercios. O tráfico circula máis denso e hai menos xente facendo deporte e máis tomando algo en terrazas.
Xela por fin puido xogar cos amiguiños de clase e ao primeiro gardaban a distancia e estaban con máscara e pantalla pero durou pouco que son nenos.
No aplauso somos menos e iso que aínda morre xente do Escornaviros anque cada vez menos.
Semella que as historias das tendas desabastecidas, das multas, das patrullas policiais e do silencio nas rúas desertas foi todo o mal soño pero sabemos que non.
Agora esperemos que non se repita.