leoeosseus

martes, 20 de xullo de 2021

Certificado e mal tempo

 

O sábado tiña a cita para a cuarta vacina así que fun alí coa xuventude de trintatantos anos. Cando me sentei diante da enfermeira díxenlle que non me vacinaba que xa estaba vacinado. Expliqueille o problema e mandoume ao coordinador que trataba temas desa índole. Expliqueille o caso e alá fuchicou no ordenador e díxome que xa estaba amañado e deume o certificado da vacina antiCovid.

Cando voltaba para casa parei a fotografar o canastro este por riba da estrada pero detrás había unha cabaceira e unha meda e un trebello no lavadoiro que debe de ser obra de algún fedello.

 
Á tarde fomos a Ldn, descargamos e fomos á praia que facía bo día. Ese día non mirei ao señor José pero ao final mireino. Agora gasta caiado e non ten a chalana na auga. Alá foi o último mariñeiro de Vlrñ !

 

O domingo xa fixo mal tempo e o luns tamén así que tocou pasear. Descubrín que Vlrñ e Ldn van a menos con negocios pechados. Tamén descubrín o monumento adicado aos olímpicos de Ldn e este monumento da foto adicado ás palistas da zona.


Tivemos ocasión de ollar un arroaz a escasos metros da beira. Foi un espectáculo que nos abraiou aos escasos paseantes do día.

Esta semana semella estar de mal tempo así que estaremos na casiña de sempre. Espero que para a semana Xela siga enterrando cousas na area e Leo poida botar pachangas cos amigos da praia. Tamén teño ganas de seguir comendo fóra da casa e probar novos locais.

Etiquetas: , ,

1 comentarios:

Ás 01:05, 24/07/21 , Blogger Elvira Carvalho dixo...

Quarta? Não são só duas?
Bonitas fotos.
Todos estamos desejando de voltar ao tempo em que não tínhamos tantas restrições mas parece que não está tão próximo com desejaríamos.
Abraço, saúde e bom fim de semana

 

Publicar un comentario

És humano ti ?

Subscribirse a Publicar comentarios [Atom]

<< Inicio