leoeosseus

Tuesday, 3 October 2006

Agradecemento

Ana e máis eu quedamos abrumados pola cantidade de mensaxes de felicitacións e polas palabras garimosas. Como non podo agradecer un por un a súa felicitación deixo como agradecemento este debuxo de Tim White dun mundo fantástico. Tamén quero incluir no agradecemento a todo o persoal do Xeral que se portou profesionalmente e cun cariño enternecedor, dende a rapaza da limpeza ata a doutora Sampayo e a comadrona Carla Cid que asistiron no parto; incluindo celadores e pediatras que nos axudaron nas dúbidas duns pais primeirizos coma nós con paciencia, cariño e saber estar. E non podo deixar atrás a familiares e amigos que coas súas visitas ou chamadas danlle calor ás nosas relacións.


E a vida continúa. O Leo dorme case todo o día e desperta cando é para mamar. De cando en vez chora e fai xestos raros dos que imos aprendendo o seu significado e, por exemplo, cando ri é que bota un peido. Ana máis eu tratamos de collerlle o ritmo vital e adaptar os nosos horarios ás súas necesidades. Eu ando dun lado a outro enchendo formularios e demáis material burocrático para pór a andar neste mundo a Leo. En canto ó Colín dicir que o leva con calma estoica e non acaba de entender que fai un embrullo churumiqueiro no cuarto. Hai que darlle tempo.


E como estou enamorado do meu fillo vou pór outra foto del. Espero saibas perdoar este ataque de amor paterno. Ata outra e graciñas outra volta.

Labels:

23 Comments:

At 03/10/2006, 19:03 , Anonymous ghanito said...

Desfrutade, que é moi riquiño.

 
At 03/10/2006, 19:16 , Blogger Nemeth said...

que riquiño!

que non vos sexa moi duro este primeiro andar d'O Leo por este mundo, o coitadiño precisa de todos os coidados do mundo.

unha aperta

 
At 03/10/2006, 19:19 , Anonymous homedareia said...

a miña avoa tamén ría cando botaba peidos :D

 
At 03/10/2006, 19:55 , Anonymous Pintega said...

Ai... que bonitiño!
Ánimo e aproveitádeo ao máximo, que din os pais das/dos que xa medramos que esa época é a mellor...

 
At 03/10/2006, 20:02 , Anonymous Manuel Rivas said...

O Leo éche ben guapo. E ten pinta de seres tranquiliño. Se podedes disfrutade moito del.

 
At 03/10/2006, 21:23 , Blogger David said...

É ben bonito, hehe. Moita sorte!!

 
At 03/10/2006, 22:34 , Anonymous Xancín said...

Os ataques de amor paterno son boa mostra de que levamos moito dentro de nós. Disfruta de cada segundo de vida do teu neno.

 
At 03/10/2006, 23:10 , Blogger Mariquiña said...

Ai Acedre! Ponnos moitas fotiños de Leo que menuda cousiña máis linda!! Que sorte tedes polo momento que estades a vivir, gozade ao máximo!! É o máis bonito do mundo!!


P.D. A miña felicitación foi das primeiriñas e non quedou rexistrada, non sei que pasou :( Así que repito: ¡¡¡¡PARABÉNS!!!! e ¡¡¡¡Benvido Leo ghuapiño!!!!

 
At 03/10/2006, 23:32 , Anonymous olevantadordeminas said...

Non quería ficar sen darvos os PARABÉNS! Saúde a todos.

 
At 04/10/2006, 00:36 , Blogger R.R. said...

¡¡¡Noraboísima!!!

 
At 04/10/2006, 02:00 , Blogger Dorvisou said...

Entrei no blog buscando novas de Leo e atopeinas, vaia se atopei...
Noraboa e que todo sexa luz e amor no camiño.
Bicos e apertas aos tres.

 
At 04/10/2006, 13:50 , Blogger moucho branco said...

a verdade é que saíu ben guapiño!,

unha aperta, e noraboa de novo.

 
At 04/10/2006, 17:44 , Blogger Elianinha said...

E logo como non has poñer fotos de Leo, co bonito que saiu? se dá ganas de morder a pantalla, co riquiño que está... como ben dixo pintega, aproveitarse, que medran nun momento.

 
At 04/10/2006, 23:51 , Anonymous Marinha de Allegue said...

O Leo é un neno precioso, no me extraña que esteades namorados del, ten que ser unha bendición ser pai e nai.
Agora non estaría nada mal que colgaras fotos do pai e da nai de Leo para vervos a cariña de felicidade que tendes.

Unha aperta grande para os tres.
:)

 
At 05/10/2006, 01:45 , Blogger Suso Lista said...

Parabens ¡Machote! (que deciria Xanciño Carliños). Hai que ver, co ghuapo que é o neno e o feo que es ti je je( e coña), pero como nadie cho decía.... Vaille enseñando a manexar o taran este que xa logho se pon a escarabellar. Ah! pra os pape-leos, preghuntalle a Pereiro Sihomesi, que che leva uns dias de ventaxa. Bicazos pros tres, ( pro can un chouriciño)

 
At 05/10/2006, 15:47 , Anonymous A Randeeira said...

Co guapiño que é aproveita e pon máis fotos de Leo. É para sentirse orgulloso.

 
At 06/10/2006, 08:15 , Blogger Lúa- Haberlas, hailas... said...

jajajajaj recordo cando naceu o meu afillado, que andaba toda chea porque faciame sorrisos:
mira, mira estáse a reír, góstolle, ou...só rise comigo....,ou ...quitadeahi que só me sorrí a min......até que enterei de que sorrín cando botan un peido....
en fin.....
A disfrutar!!!!!!!!!!!!!

 
At 06/10/2006, 09:54 , Blogger O Breogán said...

Tanto Leo,tanto Leo, pero QUE PASA CO COLÍN, EH?

Pobriño, todo traumado... e que ninguén pensa no pobre Colín!?!?!

 
At 06/10/2006, 13:25 , Blogger paideleo said...

O Colín lévao ben (vese que é un can de mundo). O Leo tamén vai progresando e gústanlle os paseos fóra da casa anque co este tempo pouco pode saír.
Nada, graciñas polos piropos e alédome de que vos guste o necoriño.

 
At 06/10/2006, 23:27 , Anonymous Jan said...

Que dicir? Sobran as palabras, eu penso que unha das caras máis doces da felicidade, se é que existe, é ver a un bebecho durmindo, quentiño, e ben mantido!

Unha apreta moi forte para os tres!

 
At 08/10/2006, 00:05 , Blogger torredebabel said...

é moi guapo, certamente. Fas moi ben en estar enamorado del.

 
At 08/10/2006, 20:37 , Anonymous muralla said...

Teño a costume de gardar todalas fotos dos fillos de amigos do blogomillo, así que tú sigue poñendo que Leo xa ten a sua carpetiña...
Ë precioso, sin paxon de pai...
Bicos

 
At 03/11/2009, 18:19 , Blogger zeltia said...

hostiá, era un bebé ghuapísimo, o Leo!

 

Post a Comment

Subscribe to Post Comments [Atom]

Links to this post:

Create a Link

<< Home