Día da auga
Enteirome por aí de que hoxe é o día mundial da auga e, por casualidade, leo nun libro de Vázquez Figueroa que andaban os españois do século XVI na busca da illa Bímini, onde dicían que estaba a fonte da eterna xuventude. Xa había picaresca daquelas e había xente que vendía falsos mapas sobre a localización desa fonte. Con picaresca ou non, os españois buscábana pola península da Florida pero seica algúns científicos actuais topárona no Himalaia onde a xente dunha tribu chega ós 120 anos sen dificultade gracias a unha auga alcalina. E agora en Miami ( ó final vólvese á Florida ) estana embotellando para vender.Eu , francamente, non quero chegar ós 120 anos así que procuro beber auga de forma rebaixada... a ser posible en forma de viño ou cervexa.
Etiquetas: curiosidades
enviado por paideleo @ 11:11 p.m.
11 comentarios:
Eu, so bebo auga...daquela, ¿vivirei muitos anos?
Eu non sei se non será picaresca outra vez. A tribo esa ao mellor lle ven a vitalidade da dieta, ou da altitude (seguro que lles dá pouco o sol). Así e todo haberá que beber moita para que faga algo, o cal equivale a chegar pobre ao 120.
A única auga que tomo é a que absorbe a miña pel da choiva así que véxome con pouco futuro.
Había unha vez un paisano que dicía que a auga tiña que ser moi mala para o estómago; só había que ver como deixaba as corredoiras...
Para min os 120 non son abondo, eu preciso da inmortalidade, non me conformarei con menos.
Tanto preparar beberaxes, apócemas, montar talismáns e demais parafernalia cando o único que haberá que facer será pillar un botellín desa auga no súper... pois menuda decepción.
Un veciño meu , que morreu queimado de viño , dicía que a auga para as rás.
Estántolos estos ianquis Pai
Pois eu bebo entre dous e tres litros diarios e síntome coma un bebé...
Eu tamén a tomo rebaixada nos cubatas de ron. A auga vai nos cubitos de xeo.
¡Auga non, gracias!...amabilidade ante todo.
Non sei, vistolovisto, non sería mala idea aproveitar o "pis" dalgúns como enerxía das renovables ¿ou?
Publicar un comentario
És humano ti ?
Subscribirse a Publicar comentarios [Atom]
<< Inicio