Obelix no choio
No choio hai un camioneiro que semella ser Obelix. É grande e forte e gasta bigote. Aguanta o frío e levanta os sacos cun suspiro. Gústalle falar e fai comparacións simpáticas como chamarlle gharroucha ó camión ( gharroucha é unha especie de guindastre de obra para levantar pedras ). O tal home non caiu de pequeno dentro dunha marmita de poción máxica senón que deixou de fumar e de ser un asubío con bigote pasou a ser un Obelix que aguanta o frío destes días.
Mañá voltarei velo e imaxinarei que estou nunha aldea gala, os romanos seguirán estando tolos e eu seguirei sendo amigo de Obelix... Por sorte para min.
Etiquetas: personaxes, traballo I
enviado por paideleo @ 10:50 p.m.
11 comentarios:
É curioso; por Santiago anda un homiño moi benquerido por moitos, deses persoeiros que ten toda cidade, a quen alcuman "O Chapela". Dende sempre se me pareceu moito a Asterix. Igual podiamos facerlles unha cita a cegas, a ver o que xorde.
Curioso personaxe a verdade
Xa temos a Obélix e ó Asterix. Quen se apunta para Panoramix?
Se aparecese Panoramix que faga a poción, que faga a poción,...
sí, eu quero un pouco de poción...
É verdade que o Chapela se parece a Asterix non caera na conta, je, je...
O de deixar de fumar si que engorda si, dou fe (11 quilos en 3 meses), pero estes días hai 4 anos que o deixei e foi unha grade satisfacción. Ás veces para consolarme soño que fumo (o malo é que no soño síntome culpable por facelo).
E de Asterix e Obelix, que dicir!!! Forman parte da miña infancia, penso que como da de moitos...Sempre me estusiasmaron...
Obélix, si, un gran tipo entenrecedor.
Este camionero "Afrancesado" non é.
Tenme toda a pinta de ser dom País. Si anda co guindastre para erguer pedras, recomendalle que faga unn curso acelerado en Euzkadi, para que as levante cas mans.
Unha aperta
non pense que non me lembro do seu encargo. a piques está de ser publicado.
Cun Obélix así no traballo de seguro que vos aforra aos demais uns cantos esforzos.
A min gústame a inxenuidade e a forza de Obélix, pero non o seu volume nin o seu bigote excesivo. Probablemente o teu camioneiro non sexa tan hiperbólico en ningún sentido. Saúde para todos.
Saúdos.
Sempre se encontra un con xente moi peculiar na vida.
Publicar un comentario
És humano ti ?
Subscribirse a Publicar comentarios [Atom]
<< Inicio