Boa entrada de ano
O ano comezou coas uvas e os brindes e a foguetada nas rúas co susto que levou o Leo. Un pouco máis tarde tocou a volta á casa cunha néboa mesta e fantasmal da que xurdiu de súpeto a caseta de cobro da autopista cunha rapaza que non sei como non morría de medo.O día agora está chuviñento e as rúas case vacías e a chuvia vai borrando o cartel a vinte metros da casa. É un cartel curioso, que semella broma; e que trascribo aquí.
" Véndese porco da casa, criado con calacú e landras de Mosende. Pesa sobre uns 150 kilos. Precio 350 euros. Tel:627574599-699058523. Preguntar por Juan Carlos. Nota: o que compre ten que dar a proba dun anaco de lomo ".
Que o 2008 che empece co humor do tal Juan Carlos.
Etiquetas: curiosidades II
enviado por paideleo @ 8:36 p.m.
11 comentarios:
Querido Acedre, ogallá que o ano 2008 sexa como mínimo tan bo coma foi este 2007 para vós. E se pode ser, mellor.
Unha aperta para os tres na casa.
Vese que chegou o marketing ao cortello. Cada día descubro novas sorpresas neste mundo tan cambiante. A ver agora que novas nos trae o 2008. Segiremos á espreita.
Apertas.
Es un fenómeno pillando rarezas. Feliz ano para "ti e os teus".
Tem piada, sem dúvida.
Por aí chove, por cá temos tido belos dias de sol, à excepção de um ou outro momento de chuva.
Beijinho ao Leo.
Um Feliz 2008.
Abraço.
Feliz ano paideleo, quí me tes de novo, despois destas vacacións dando guerra.
pois ainda que a realidade supere a ficciom tenho que dizer que eu começei un ano mercando um porquinho na feira de betanços...os/as que me conheçen saben de sobra o conto pq nunca canso de contalo...quen nos vería pola feira passeando ao porquinho atado por umha pata...jajajaja...coissas da vida, e do fin de ano....bo ano pra ti e a família...!!
Seguro que o porco ese ha de saber a gloria.
Pois seguro que está ben bo ese lomo.
O d@s emplead@os das autopistas pola noite si que debe de ser algo fodido
Un porquiño celtiña que mesmo pode competir cos da raza ibérica!!!!!
Pois Pedriño, a min déronme as uvas no coche.Ás veces un non cálcula ben o tempo é o espazo ou quizais, que non escoita cando falan os demais :-)
Saúde e terra.
Pois mira, entre ti e mailo Juan Carlos do porco fixestes que aprendese o que era o calacú. Para que logo digan que esto non ilustra...
Por certo, o porco non é caro; ainda que a ver canto lomo quere o J.C...
Feliz ano dende Antas
Feliz 2008 para toda a familia!!!
Publicar un comentario
És humano ti ?
Subscribirse a Publicar comentarios [Atom]
<< Inicio