Veighiñas
Ten razón Vanessa cando di que hai que tratar de conservar o que nos vén de antes. E seguindo o seu consello eu onte cortei as uñas porque din que hai que cortalas nun día que non teña " s", ou sexa domingo, para que non se levanten as peles arredor da uña. Tamén lembrei a expresión " mirarlle o cu á curuxa " co significado de " coller medo " e hoxe aprendín unha xogueta que se lle fai a un neno: tocánselle as meixelas e pregúntaselle " De quen son estas veighiñas ? " e cando di " Son miñas " tíraselle do nariz e díselle " Entón que fai este marco no medio ? ".
E aquí queda anotado para a posteriedade...
Etiquetas: etnografia II, lingua II
enviado por paideleo @ 12:10 a.m.
12 comentarios:
Iso lémbrame esoutro xogo que se fai aos nenos na cara, tocándolle cada unha das partes mencionadas: "Este queixo, queixolán; esta boca, pide pan; este naris, narisete; este ollo, revirete; este, seu irmán; arrícate gavilán" (e nese momento cólleselle o nariz entre dous dedos e tíraselle del). E mesmo se pode deixar o dedo polgar entre o furabolos e o pai de todos e dicirlle: onde está o teu nariz?. Eva
É a primeira vez que escoito o das uñas, ...por iso sempre me saen peles...
Bicos
Tomaremos nota do das uñas
Que curioso. A min sempre me dixeron que cortase as unllas un día que non tivese "r" (!!!)
Saúdos
E a min dicíanme que había que cortalas con tres S: un Sábado, a Soas e á Sombra.
Velaí a variedade. Conclusión: cortalas cando sexa preciso.
Saúdos.
Non sabía tampouco eu o das uñas.
Pois eu tamén tiña entendido que era en días sen "r".
Hola
son eu outra vez...mi suegra tambem me dixo que e con o r...
jeje,a ver en que quedamos,xa non sei que día cortar as uñas.
bicos
pois non sabia nada destas cousas e agora marcho deste recanto mais sabia e divertida. Apertísimas!
Non sabía do das uñas nin do da canción, pero si na que sae no primeiro comentario do post, así dicíame sempre o meu avo e eu sempre ia na procura dun espello a mirar se tiña o nariz ou non, e a segunda vez que mo facía, aínda que non quería creerllo apalpabamo para comprobar que aínda seguía no seu lugar. un saúdo ;)
Eu nunca escoitara tampouco o das unllas...
Que feitas as veighiñas do Leo, dan gañas de comerllas...
eva: eu escribín hai un tempo a versión que coñezo e que lle canto ao Leo
http://leoeosseus.blogspot.com/2006/10/co-nacemento-de-leo-aprndense-cousas.html
ana: sempre estamos aprendendo.
abueloscrisytoño: con probar nada se perde, verdade ?.
a lareira de santiso: eu tiña as miñas dúbidas pero preguntei e son os días sen "s".
busto.agolada: xa vexo que hai variedade e a que coñeces é ben curiosa.
peke: tranquila que eu aprendino ben tarde tamén.
chousa da alcandra: dígoche o mesmo que a lareira de santiso.
ana: parece que está mui extendida a versión anti "r". Terás que probar anque o domingo vale para ambos casos.
torredebabel: alédome que aprendas e que te divirtas. Volve sempre que queiras.
enmeigada: que sorte desfrutar desas cousas, eh ?.
jan: eu aprendino tarde pero non quero ser o único en sabelo así que o publico na rede.
Eu comer non llas como pero gañas tamén teño.
Publicar un comentario
És humano ti ?
Subscribirse a Publicar comentarios [Atom]
<< Inicio