leoeosseus

sábado, 14 de febreiro de 2009

Corazón roto



A miña primeira lembranza del vén en forma de dous irmáns pequenos xogando coa area dunha obra no primeiro día que cheguei a Vilaguindastre. Máis tarde viñeron loitas infantís que remataban cos seus choros de non gañador. Ou tamén a súa perreira queimada polo matamoscas-soplete roubado na fábrica. Non pasou de sexto especial na EXB e quedou prendado da beleza no agromar dunha colexiala veciña. Sacou non sei de que contos a idea de pedila en casamento, loitou contra a súa timidez, colleu un ramo de flores e petou na porta da rapaza. A sorprendida nai da rapaza asumiu con seriedade o amor xuvenil pero delegou a resposta na filla. Esta riu cruelmente o atrevemento do rapaz enmeigado e así o sentenciou ao desvivir dun corazón roto. Comezou a caída por malos camiños e delincuencia e con dezaoito anos xa saiu no apartado periodístico dos presuntos coa idade trabucada pola de oitenta e un anos.
Pasaron os anos e agora camiña rindo só ou coa cabeza gacha, combina cores de roupa que non casan, pide cartos á xente e búscame o día do noso cumpreanos para que o convide.
E así safa hoxe a súa vida morta emocionalmente.
Por iso eu penso que hoxe non tiña que ser só o día dos enamorados senón tamén dos que teñen o corazón roto.
Vaia este posteo por eles.

Etiquetas:

14 comentarios:

Ás 01:12, 14/02/09 , Blogger Eva Rei dixo...

Vaia, Pedro. Chegáchesme ao corazón... Nós non celebramos o San Valentín (nin sequera de solteiros); sempre nos pareceu en exceso remilgado e comercial. Pero visto así, debería ser o día en que todo o mundo se sentise querido, polo menos un día no ano. Debe ser moi triste vivir sen sentirte querido, aínda que só sexa un pouquiño. Pois entón, que o Santo reparta amor a todos.

 
Ás 02:20, 14/02/09 , Blogger Merce dixo...

Eu tampouco o celebro, pero tes razon, un corazon roto, e roto de por vida, non hai nada que o cure mais que a tolemia.

Bicos.

 
Ás 11:16, 14/02/09 , Blogger vermella dixo...

precioso post como antítese a san Valentín,que as veces erra nas frechas.
xa tes numero,bicos para o Leiño e para Xiana.

 
Ás 11:47, 14/02/09 , Blogger abueloscrisytoño dixo...

FERMOSA ENTRADA. CHEGA AO CORAZÓN.
!FELIZ DÍA DOS NAMORADOS !

 
Ás 15:32, 14/02/09 , Blogger Meninheira dixo...

Que post tan fermoso a pesar do triste.

Un biquiño e que o Santo reparta un pouquiño de amor para todos

 
Ás 18:46, 14/02/09 , Blogger Antón de Muros dixo...

A vida ten ledicia e dor.
Fixeches unha entrada que da boa conta dunha delas.

Unha aperta.

Antón.

 
Ás 20:04, 14/02/09 , Blogger rui dixo...

Tamén a min me chegou ao corazón este post teu.
apertas

 
Ás 20:55, 14/02/09 , Blogger pablo gonzalez dixo...

todos coñecemos a algún rapaz que terminou, que non o merecía ou que preferimos pensar que non o meecía. Outro motivo para celebrar a San Cirilo

 
Ás 00:27, 16/02/09 , Blogger Chousa da Alcandra dixo...

Ainda que cheguei no día de San Onésimo...fago meu o teu brinde. É xusto, bonito e de lei!

Unha aperta

 
Ás 12:32, 16/02/09 , Blogger Carlos Sousa dixo...

Totalmente dacordo, tiña que existir o día para os dous. Aínda que pola miña parte sobran.

Se un está namorado, suponse que estará todo o ano, non so o 14, que é cando cho din os comercios, etc. Ó revés pasará outro tanto.

O importante é demostralo día a día.

Unha aperta.

 
Ás 13:52, 16/02/09 , Blogger LM dixo...

pobre...
e seguro que ela tem uma vida na que nom lembra os corazons rotos...
beijos

 
Ás 15:16, 16/02/09 , Blogger A lareira de Santiso dixo...

Impactada polo post, pola historia, polo procedente e polo xeito que tes de contalo

 
Ás 22:06, 18/02/09 , Anonymous Ninsesabe dixo...

Precioso relato.

 
Ás 12:51, 24/02/09 , Blogger elvira carvalho dixo...

Eu não dou muita importância ao dia de S. Valentim. Em Portugal, sempre foi S. António, o santo casamenteiro, e isso eu recordo desde menina. S. Valentim, é uma importação para gastar dinheiro.
E em dia de Carnaval, desejo-lhe um dia divertido.
Um abraço

 

Publicar un comentario

És humano ti ?

Subscribirse a Publicar comentarios [Atom]

<< Inicio