leoeosseus

xoves, 12 de marzo de 2009

Errar é de humanos

... pero rectificar é de sabios.
Vén isto a conto para dicir que metín a zoca cando dixen o outro día que chorar as prantas significa botar flor. Merce, An, Carlos Sousa e rui estaban no certo cando dicían que a viña chora cando a podas e cae savia. Cando o comentaron entráronme as dúbidas e consulteino cos compañeiros e aclararon o significado do verbo chorar nas viñas que coincide co que din os comentaristas. Síntoo porque o chorar malinterpretado por min habería de valer para facer poesías fermosas e todo pero non vai ser o caso.
Este asunto faime lembrar o erro no que estabamos algúns cando falaba un familiar noso da súa familia política e dicía: Fulano da Famulia, Zutana da Famulia. Nós estabamos convencidos que famulia significaba familia política. Só despóis de muitos anos descubrimos unha parroquia cun lugar chamado A Famulia que era de onde viñan eses familiares todos.
Curiosidades.

Etiquetas:

14 comentarios:

Ás 23:43, 12/03/09 , Blogger Antón de Muros dixo...

O outro significado era moi poético, é verdade, mais agora sabemos que quere dicir outra cousa.

Grazas pola aclaración :-)

Unha aperta.

Antón.

 
Ás 23:54, 12/03/09 , Blogger Carlos Sousa dixo...

Ti tranqui, sempre nos estás a mostrar términos típicos e nós a aprender.
Neste caso eu non dudei da túa opinión, simplemente comentei a única versión que coñecía de chorar as plantas. E esa era a das videiras da viña, que seguramente foi o único que podei fora de tempo. Este ano, como che contei, chegaban a cair pingueiras, non sei se sería polo tempo este que temos adiantado.

Non todo o mundo sabe recoñecer os erros.

 
Ás 10:52, 13/03/09 , Blogger abueloscrisytoño dixo...

Que pena a min gustábame, agora teño que rectificalo eu no meu blog

O de que choran as viñas iso xa o savia pero pensei que o da flor seria unha forma máis de dicir as cousas que se ten nalgúns lugares.

Agradécese a aclaración e tranquilo, rectificar é de sabios e eu sempre digo que ti es un home sabio. A.Cris

 
Ás 10:59, 13/03/09 , Blogger abueloscrisytoño dixo...

Agora necesito unha frase ou palabra bonita para rectificar, empeza a pensar. A.cris

 
Ás 22:20, 13/03/09 , Blogger Merce dixo...

Ten por seguro que a min encantoume teu post e ademais que: "as plantas choran con bagoas de mil fermosas cores" :) asi que deixaches un verdadeiro camiño aberto a interpretacion poetica, e ben fermosa por certo.

Gustoume eso da Famulia, si señor!!

Moitos bicos :)

 
Ás 23:18, 13/03/09 , Blogger An dixo...

:D non pretendia levarche a contra, so que pensei que estivera trabucado ata agora :D Saúdos e apertas meu

 
Ás 23:21, 13/03/09 , Blogger Meninheira dixo...

Vaaaaaaaale, perdoámoste :D

Eu xa escoitara o de chorar con este significado de chorar "resina".

Biquiñossssss

(qué curioso o da familia política)

 
Ás 00:22, 14/03/09 , Blogger rui dixo...

Claro que é de humanos, e rectificar de sabios, eu tampouco o tiña moi claro mas cando podaba a viña tarde até daba pena toda a forza que se lle escapaba ao perder a savia.
Grazas pola aclaración.

 
Ás 00:24, 14/03/09 , Blogger Moraima dixo...

Errar é tamén de sabios, e mais aínda se sabes recoñecer o erro. ;)

 
Ás 09:23, 14/03/09 , Blogger abueloscrisytoño dixo...

Xa esta arranxado , paideleo quixo dicir "a camelia de Leo chora de risa mentres florece" Asi queda chulisimo. Un Abrazo, A.Cris

 
Ás 10:16, 14/03/09 , Blogger abueloscrisytoño dixo...

PAIDELEO; grazas a ti por todo o que vou aprendendo co teu bo facer. Unha árbore en flor esta cheo de alegría hai risas por todos os lados e moitas veces chórase de risa. Eu creo que ao final acertaches. Un Abrazo A.Cris

 
Ás 13:50, 14/03/09 , Blogger HADEX dixo...

De tódolos xeitos quen sabe na súa orixe se ambos verbos non estaban próximos no seu significado.....

 
Ás 20:43, 14/03/09 , Blogger LM dixo...

e que fantástico é saber recuar para aprender mais!
beijos

 
Ás 22:47, 14/03/09 , Blogger Pau dixo...

o de chorar si co oin algunha vez para as parras, ainda que o do lugariño ese si que ten graza

 

Publicar un comentario

És humano ti ?

Subscribirse a Publicar comentarios [Atom]

<< Inicio