leoeosseus

martes, 22 de xuño de 2010

O capricho das zocas


Hoxe xa traballei pero botei a mañá percorrendo chatarrerías en busca dunhas llantas. Das chatarrerías podo dicir que sempre atende un mozo raro e que teñen un reloxio de parede parado. Nunha delas semellaba que había un rastrillo porque había radios antigas, rodas de carro ( a 150 € ), xugos, arados e ata unha dilixencia !. Mirei unhas zocas e entroume a cobiza de telas e alá as merquei. Agora Naideleo pregúntame para que as quero e a verdade é que non sei a resposta. Pois si que estamos nun mundo consumista !.
Ti que farías co elas ?.

Etiquetas:

4 comentarios:

Ás 22/06/10, 10:26 , Blogger Paz Zeltia dixo...

esas zocas están tinguidas?

mira, paideleo, se eu fose naideleo, faríache a mesma pregunta.
:)
hai unhas semanas (¡ou meses?, nunca se sabe o tempo fuxe) estiven con amigos na feira de Betanzos e había alguén emperrado en comprar unhas zocas tamén. Pero eu non fago preguntas indiscretas, a non ser que me interesen verdadeiramente ou o meu home me apareza na casa cunhas zocas ;-)

 
Ás 22/06/10, 20:19 , Anonymous Anónimo dixo...

Comprendo ben ese sentimento, esa cobiza. A min non hai moito deume o antollo dun botixo de Niñodaguia; volvín para a casa máis contento que un oito, pero xuro que non atopaba onde poñer o ditosiño botixo, nin para o seu uso na cociña (a calefacción) nin baleiro para adornar.
Acabei regalándoo

 
Ás 23/06/10, 08:02 , Anonymous F. Míguez dixo...

Se mercar as zocas che parece consumista, eu que che ía preguntar qué chatarrería é esa por ir ver a dilixencia... Pero certamente non sei para que quero eu unha dilixencia :S
Agora que xa as tes, supoñendo que non sexan do teu número, podes empregalas como elemento decorativo ou para axudarlle ó Leo a coñecer un pouco máis da terriña na que vive. Imaxinación non che falla.

 
Ás 23/06/10, 19:03 , Blogger Chousa da Alcandra dixo...

Igual se escarallan, pero...e se lles plantas unhas plantiñas nelas?

(Dille a Naideleo que se quitamos das casas todo o que "non vale", a ver con que carallo encheríamos eses baleiros!!!!)


Apertas

 

Publicar un comentario

És humano ti ?

Subscribirse a Publicar comentarios [Atom]

<< Inicio