leoeosseus

Tuesday, 29 March 2011

Cincuenta e catro meses ( e dous días )


Luitando contra Morfeo puiden acercarme ao ordenador e postear isto.

Na foto está Leo cun dos seus xoguetes favoritos: un pau. Este da foto era grande e xogaba a ser un pastor. Cun pauciño pequeno escribe números e letras e fai camiños nos parques infantís mentres outros nenos brincan dun aparello a outro. O Leo divírtese coa imaxinación e inventando historias con calquera cousa ou falando como o faría unha profe. Segue fascinado polas letras e números e enreda co eles.

De cada vez fala millor os dous idiomas e vai corrixindo a súa pronuncia infantil e simpática e, por exemplo, desaparecen as " gomimolas " ( por gominolas ). Conta ben pero despóis do dezaseis só sabe en galego e aínda di " nesitar " por necesitar.

Leva uns días cunha " plasti " para corrixirlle unha deda dun pé que quedaba debaixo doutra e vai corrixindo a posición rapidamente.

Está contento coa pronta chegada da irmanciña ( a mediados de xuño ) e di que lle vai ensinar todo o que sabe e a conducir tamén.

Hoxe foi todo contento para cama porque mañá ten unha excursión e preguntoume se eu ía de excursión no traballo. O que me fai lembrar que teño que volver para cama.

Labels:

9 Comments:

At 29/03/2011, 11:12 , Blogger Ana said...

Comenza a poñer en anos,que eu non son de mates,jeje
Está feito un homeciño, pensar o tempo que sigo a evolución deste neno, faime sentir velha,jejee

Bicos

 
At 29/03/2011, 15:53 , Blogger Xabres da Teixeira said...

Menos mal que avisas que vai de pastor, eu xa pensaba que ia as lampreas coa fisga.
Vai feito un bon mozo.
Apertas.

 
At 29/03/2011, 20:37 , Anonymous peke said...

Si, vai sendo hora de que poñas anos en lugar de meses. Está lindísimo. ;)

 
At 29/03/2011, 22:56 , Blogger xenevra said...

Ir para cama con todas esas sensacións nos beizos é unha marabilla... Un soño!!!

 
At 30/03/2011, 19:18 , Blogger mfc said...

Uma linda foto!
... e Junho é um mês bonito para chegar a irmãzinha!
Parabéns para ti e toda a família.

 
At 30/03/2011, 20:40 , Blogger Chousa da Alcandra said...

Está feito un mozo moi espabilado. Seguro que disfrutará moito da súa irmá (aínda que ó primeiro xurdirán ciumes seguramente).

Apertas

 
At 31/03/2011, 09:22 , Blogger zeltia said...

O Leo xa está feito un mozo!, pouco a pouco vai deixando atrás ese mundo das primeiras descubertas a través dos pais e adentrándose no mundo propio; pero despois coa cativiña asistirás de novo a toda a creatividade desplegada dun modo asombroso.

 
At 05/04/2011, 20:34 , Blogger Aldabra said...

o tempo pasa, os fillos van medrando ata que un día... voan do niño.

biquiños,

 
At 07/04/2011, 13:13 , Blogger fonsilleda said...

Biquiños pra o Leo, está feito un bo mozo.
Saúdos

 

Post a Comment

Subscribe to Post Comments [Atom]

Links to this post:

Create a Link

<< Home