Quincuaxésimo mes

Exemplo perfecto de aforro enerxético: con aire, auga e algúns derivados do cacao conseguimos este exemplar de nena inqueda, activa, rabicha e chea  de enerxía e personalidade.
Cando está de boas é unha marabilla pero cando está de malas berra coma unha posesa e ten que ser o que ela quere. Xoga con Leo ou máis ben el faina rabear. Tamén xogan na Wii e hai cousas nas que gaña ao irmán para abraio noso. Iso si, a tele ocupa gran parte do seu tempo de lecer.
Esperamos que coa volta ao cole colla máis as letras e os números que os ten de lado.