leoeosseus

Friday, 22 January 2016

Visita ao novo hospital


Onte fun ao novo hospital Álvaro Cunqueiro e non teño queixa. Foi bastante doado topar a área onde tiña a cita. Despois saquei o número da cita e non esperei máis de vinte minutos. Atendeume ben a doutora e o prezo do aparcamento non foi esaxerado ( agora está a metade do que valía antes. Para iso serven as mobilizacións ). Non sei como será noutros casos pero a miña primeira experiencia foi boa. E iso que hai datos bastantes de como empiorou a sanidade en Galicia estes anos.


Alí perto hai unha zona cunhas dez casas tapiadas e abandoadas que dan para unha novela de misterio ou apocalíptica. Parei a facer fotos e preguntei a un paisano que me aclarou o misterio. Resulta que o terreo foi mercado pola "  Sona " Franca para ampliar o solo industrial. Pero con isto da crise aí quedou todo como aldea fantasma. Agora só falta que alguén faga unha película aí.

Labels:

3 Comments:

At 23/01/2016, 00:54 , Blogger Elvira Carvalho said...

Está doente amigo? nada grave, espero.
Bom que foi bem atendido.
Um abraço e rápida recuperação

 
At 23/01/2016, 17:51 , Blogger Raposo said...

Pois debiche ter sorte, porque alí case todo son queixas.
espero que a doenza non sexa grave.
Apertas

 
At 23/01/2016, 20:23 , Blogger paideleo said...

A visita foi rotinaria, nada grave nin contaxioso.

 

Post a Comment

Subscribe to Post Comments [Atom]

Links to this post:

Create a Link

<< Home