leoeosseus

Monday, 1 February 2016

Paz e arxón

 
 
O sábado foi o día da Paz e o venres no cole tiveron a charla do pintor sirio Ali Ali. Aparte escolleron os alumnos de cada clase ao compañeiro que merecería o Nobel da Paz. Leo quedou en bo posto pero o bo foi que votou por el a que conseguiu o premio. O blogueiro Brétemas fala dunha pacifista galega que ben merecía ese título por estar tantos anos diante da Casablanca protestando pola política militar dos EEUU.
 
 
No meu traballo non merecemos o Nobel da Paz porque non somos cen por cen bos e ata nos insultamos pero en broma. Un insulto que circula pola fábrica é " arxón " que eu, na miña ignorancia en asuntos agrarios, pensaba que era burro por " arre " e " xo " dito xunto.
Preguntei o que significaba e os meus veciños da Louriña saben o que é e dixéronme que eu pouco traballaba no campo. Seica é o pau que guía as prantas trepadoras como no caso da foto cunha roseira. Preguntei en Arbo se sabían que era un arxón pero alá chámanlle estaca. Tamén no Salnés existe esa palabra.

Labels: , ,

6 Comments:

At 01/02/2016, 22:03 , Blogger Elvira Carvalho said...

Pena que só haja um dia da Paz, mas está de acordo com o que se passa pelo mundo que Paz é coisa que não tem.
O pau que ampara as trepadeiras em Portugal chama-se estaca
Um abraço e uma boa semana

 
At 04/02/2016, 15:38 , Blogger Ana Cosque said...

No Morrazo os arxóns son pólas de salgueiro que se lles poñen principalmente ás xudías e ós chícharos (para nós ervillas)

 
At 04/02/2016, 20:57 , Blogger Chousa da Alcandra said...

Ogallá tivésemos nós un arxón para que nos guíe cando andamos medio perdidos...

Unha aperta

 
At 04/02/2016, 22:11 , Blogger Raposo said...

Pois eu nunca a escoitei.

 
At 06/02/2016, 19:43 , Anonymous peke said...

Eu tampouco a escoitara nunca.

 
At 17/02/2016, 09:55 , Blogger Zeltia said...

Na miña aldea tamén lle chaman estacas. Bueno, agora coa influencia do castelán e os rótulos das tendas, tamén de internet, algúns xa lle din "tutores"

 

Post a Comment

Subscribe to Post Comments [Atom]

Links to this post:

Create a Link

<< Home