leoeosseus

mércores, 18 de xullo de 2007

O conto do mecánico e o seu xefe


O meu compañeiro carretilleiro contoume unha anécdota que vou tratar de contar aquí.
Resulta que o mecánico dunha empresa era pequeno, pequeno e o xefe era un homón que pasaba dos dous metros de altor e que era ancho de ombreiros. O tal mecánico, chamémoslle Tino, tiña que cambiar uns fluorescentes da oficina. O Tino era baixiño e non lle chegaba ó falso teito. Tratou de estarricar as pernas e pórse na punta dos pés pero apenas tocaba o teito. Nese momento pasou o xefe, chamémoslle Don José, e díxolle con ton burlento: -" Tino, hombre; estírese que no le llega ". O xefe marchou rindo e o Tino foi buscar unha escaleira desas de tres banzos. Subiuse e chegáballe por pouco ó tubo. Despois de suores e renegos logrou cambiar os fluorescentes. Cando limpaba o suor con pano aparece o xefe. Don José seguiu co conto: -" Tino; que pena no nacer unos cinco centímetros más grande. Hoy no lo pasaría tan mal ". E o xefe botou unha gargallada. Isto encheu a Tino que lle preguntou ó xefe: -" Sabe usted porque soy tan bajito ? ". O xefe dixo que non sabía. " Pues porque soy hijo de un solo padre ". Don José quedou pensando e xa lle viña o enfado á cara. Tino rematou: -" No se enfade, hombre. Usted tampoco es grande ".

Etiquetas:

6 comentarios:

Ás 19/07/07, 01:10 , Anonymous Anónimo dixo...

:)

 
Ás 19/07/07, 20:20 , Anonymous Anónimo dixo...

:) A foto é espectacular.

 
Ás 19/07/07, 23:03 , Blogger Suso Lista dixo...

Je je. Listo o Tino.

 
Ás 20/07/07, 11:13 , Blogger Unknown dixo...

Moi bo. Agora que non hai quen lle tosa aos xefes agradecense historias coma esta.
Eu son tirando a pequeno, terei que confirmar o meu con mila nai.

 
Ás 22/07/07, 11:02 , Blogger Son Unha Xoaniña dixo...

Ese tino que ben lle contestou ao xefe.
Había que ter sempre unha resposta destas preparada para algunhas ocasións.
un saudiño.

 
Ás 23/07/07, 15:55 , Anonymous Anónimo dixo...

HE HE. Esa sí que foi boa. Aínda me fixo rir un pouco.

 

Publicar un comentario

És humano ti ?

Subscribirse a Publicar comentarios [Atom]

<< Inicio