leoeosseus

domingo, 16 de decembro de 2007

Reis magos VS Papa Noel



Non sei se é impresión miña ou non pero semella que este ano hai menos Papa Noeles agabeando polas fachadas das casas e ata hai en troques algúns Reis Magos coma os da foto. No centro comercial os comercios desexan Merry Christmas e a megafonía pon panxoliñas andaluzas e anglosaxonas e un mínimo de panxoliñas galegas. Nunha xoguetería de urxencias oín unha conversa entre unha señora e unha nena.

Señora: - A quen pediches os regalos, a Papa Noel ou aos Reis Magos ?.

Nena: - Aos Reis Magos, claro.

S.: - E por que ?.

N.: - Porque teñen máis cartos.

S.: - E por que teñen máis cartos ?.

N.: - Pois porque son reis.

Sabedoría infantil.

Etiquetas: ,

14 comentarios:

Ás 17/12/07, 00:50 , Blogger O Breogán de Gáidil dixo...

Eu neste senso sempre che fun moi monárquico...

 
Ás 17/12/07, 03:53 , Blogger Raposo dixo...

Sabedoría infantil e sentido común.
Si señor.

 
Ás 17/12/07, 09:46 , Blogger Meris dixo...

Si señor, rapaza intelixente.

 
Ás 17/12/07, 10:46 , Blogger A Conxurada dixo...

jajaja, mira para a rapaza, non tiña un pelo de tonta, e se xuntamos que a parte de reis son tres, e o gordo vermello só é un...jeje.

Un biquiño para leo, e unha aperta para o pai.

 
Ás 17/12/07, 11:47 , Blogger Unknown dixo...

Eu sempre fun dos reis. (so destes reis) O do papa noel veu despois e xa era tarde para mín.
Os nenos son listos, máis ca nos.

 
Ás 17/12/07, 12:12 , Anonymous Anónimo dixo...

Boa saída a da nena, si señor.

 
Ás 17/12/07, 16:40 , Blogger Mer dixo...

Cando era nena, naquela lonxana época, pedíamos aos reis máxicos. Relixión católica obrigatoria na escola: ¿ quen foi a Belén guiado por unha estrela?
Anos despois e tras moitas cocacolas co velliño debuxado na etiqueta, pelis de tarde de domingo con santa claus de prota e máis tempo nas vacacións do Nadal para desfrutar dos xoguetes, os rapaces de hoxe en día prefiren a papá noel, na súa maoiría.
***
eu vou pedir ás pupieiriñas, danme máis confianza.

 
Ás 17/12/07, 20:04 , Anonymous Anónimo dixo...

Será que me criei con eles, pero eu prefiro aos reis, malia non seren nada monárquica...En calquera caso agardo que vos traian moita felicidade!

 
Ás 17/12/07, 23:55 , Blogger busto.agolada dixo...

A min o Papá Noel nunca me dixo nada. Ás miñas fillas éralles máis eficaz o papá Ma-Noel coa axuda dos Reis Magos.
Porei no meu blog algúns Reis Magos moi especiais aquí en Agolada. Namentres, moitos saúdos e que os Reis, que son tres, lle traian ao Leo canseu regalo.

 
Ás 18/12/07, 11:33 , Blogger vermella dixo...

Esta é unha das contradicions da miña vida,republicana pero dos Reis Magos ate a médula.Cando reamos pequenos papa noel non existía e así conteillo ós meus fillos,o ano pasado o pequeno díxome: non viña por culpa de Franco pero agora xa pode!!!
Saúdos e bico para ese monequño que tedes.

 
Ás 19/12/07, 00:23 , Blogger oko dixo...

eu descubrín hai nada o olentzero vasco. seguro que foi un home entrañable. nas rúas, penden moitos olentzeros das fiestras. ata nisto son especiais

 
Ás 19/12/07, 16:36 , Blogger Mer dixo...

INFO - AVISO
Actualmente e ata o 15 de xaneiro, por cada ticket de máis de 6 euros consumido nos establecementos do centro comercial Plaza Elíptica de Vigo, regálanche unha entrada para o cine.
A oferta é por cada ticket; se un ticket é de 12 euros non che dan dúas, polo que pagade os artigos de máis de 6 euros por separado.

 
Ás 20/12/07, 21:18 , Blogger Pau dixo...

Non sei si habera màis de uns ou de outros, pero o que si que me parece que hai é menos compras nos centros comerciais. Sera que habra pouco carto

 
Ás 23/12/07, 20:15 , Blogger torredebabel dixo...

eu, diante destes nenos, non sei se sorprenderme ou porme triste. É que case que perderon toda a inocencia antes de chegar aos seis anos!!!!

 

Publicar un comentario

És humano ti ?

Subscribirse a Publicar comentarios [Atom]

<< Inicio