leoeosseus: Un veciño con retranca

mércores, 14 de maio de 2008

Un veciño con retranca

Hoxe por fin puiden pagar o xantar da xuntanza de blogueiros en Agolada. Aproveitei un momento que non chovía e baixei co Leo. Este apuro contrarreloxio lembroume un día haberá tres semanas ou cousa así. Tamén baixara a pé e tiña que volver rápido que tiña hora no perruqueiro. Topeime cun veciño mui falador que é enliante e estivemos un bo chisco a falar. De alí a un pouco díxenlle que tiña cita para cortar o pelo:

Eu: - Bueno, teño que marchar que teño cita no peluquero.

O veciño: - Non se pode ir muito que cobran caro. A última ves paghei des euros.

Eu: - Pois onde vou eu solo cobran nove euros.

O veciño: - Home, a min tamén me cobran nove euros pero deixo un euro de propina...

Iso é o que digo eu que é retranca.

Etiquetas: curiosidades III

8 comentarios:

Ás 15/05/08, 02:03 , Anónimo dixo...: Nos tempos que corren só sabemos canto se pagou a última vez que fomos :-)
Apertas e bicos.
Ás 15/05/08, 10:56 , LM dixo...: ou economia realista...muito tem de aprender solbes...
Ás 15/05/08, 10:58 , Mer dixo...: jaja, vaia co veciño, e xa soubo que tí non deixas propina

eu non vou á xuntanza, esa fin de semana teño unha obrigada xuntanza e comilona familia, pasádeo ben

unha aperta
Ás 15/05/08, 11:46 , miradouro das cruzes dixo...: Amigo,
Pasei pelo teu blog, y me encanta siempre Galicia y sus falares.Por eso es mi segunda terra la que más amo. Y teria moito que contarte claro que o meu gallego no es claro pero voy a tentarlo cuando paso por as Rias Altas a Ortigueira y Estaca de Bares. As soidades son grandes como o mar de Cantabria. Y voy a poner algunos poemas de Galicia en mi blog, pero perdoname home pois o Gallego es unha mescla. Hay que seguir tentando... y te aconsejo a non cortar los pellos aqui en Portugal pois son 15 euros sin propina.... y sin uña copa de viño o unha caña.
Adeus,
Carlos
Ás 15/05/08, 12:56 , Ana dixo...: Jejeje...que personaxe!
Aún que non queiras sempre sacan algo.O deles é falar!

Eu tan pouco vou a xuntanza,teño demasiados festexos e non me dan os cartos pra tanta festa.

Bicos
Ás 15/05/08, 14:41 , busto.agolada dixo...: Pois, paréceme moi bo exemplo do que é a retranca fina e inocente.
Unha aperta e ata o 31
Ás 15/05/08, 20:23 , Son Unha Xoaniña dixo...: Pois xa dixo o Menistro que non se pode deixar un euro de propina porque son moitas pesetas.
Bo exemplo de retranca
apertas
Ás 16/05/08, 00:41 , Anónimo dixo...: Iso non é retranca, é un vacile en toda regra.