leoeosseus

domingo, 12 de outubro de 2008

Bólo e bagazo



Hoxe levamos quince sacas de bagazo ao augardenteiro para que faga catro garrafóns co bagazo. Non sei se será mui legal pero había bagazo e garrafóns de varios veciños alí.

No xantar houbo bólo ou bica que é o que sae na foto en segundo plano. É coma pan pero case todo codia. Faise con fariña milla pasada primeiro pola tixola e logo polo forno e estaba rico porque a fariña era nova. En primeiro plano está a polenta que é fariña milla pero desta volta cocida no pote do cocido. Anque sae na foto de hoxe non a houbo hoxe; a foto é doutro día.

Logo mercamos cueiros en Portugal e tomamos catro bebidas e unha bolsa de patatillas por catro euros con oitenta céntimos.

Bueno, que hoxe foi un día typical spanish !.

Etiquetas: ,

6 comentarios:

Ás 12/10/08, 23:18 , Blogger ♥ meninheira ♥ dixo...

Na miña casa a bica tómase coma postre. Que curioso.

Biquiños

 
Ás 13/10/08, 04:02 , Anonymous Anónimo dixo...

NON A VIAGRA
UN GROLO DE AUGARDENTE
QUE SEMPRE QUENTA A BARRIGA
E FAI O HOME MÁIS POTENTE E VALENTE.
Fai uns anos pegaba nas botellas de augardente este panfleto. Tiña moito exito, había xente que ata o creía :-)

 
Ás 13/10/08, 10:41 , Blogger LM dixo...

o olor do bagazo é único...
beijos

 
Ás 13/10/08, 13:04 , Blogger vermella dixo...

cando eu era nena en Corme miña avoa botáballe -bolos de pote ao cocido- e vos chamadeslle polenta....
bicos e biquiño para o Leiño

 
Ás 13/10/08, 22:25 , Blogger Lúa dixo...

ñam, ñam, ñam, que bo todo!!!saudos

 
Ás 16/10/08, 21:40 , Blogger Cuspedepita dixo...

Pois mira que curioso, eu só escoitaa falar da polenta en Arxentina e imaxinaba que sería unha tradición que foi para alá desde Italia, non imaxinaba que fose unha comida típica de aquí, pero coa túa testemuña e a de Vermella xa non sei se a orixe será galega. Anque tamén pode que chegase aquí desde alá, coma algunhas outras cousas.
¿Sabes ou sabedes algo sobre iso ?

 

Publicar un comentario

És humano ti ?

Subscribirse a Publicar comentarios [Atom]

<< Inicio