leoeosseus

venres, 22 de xaneiro de 2016

Visita ao novo hospital


Onte fun ao novo hospital Álvaro Cunqueiro e non teño queixa. Foi bastante doado topar a área onde tiña a cita. Despois saquei o número da cita e non esperei máis de vinte minutos. Atendeume ben a doutora e o prezo do aparcamento non foi esaxerado ( agora está a metade do que valía antes. Para iso serven as mobilizacións ). Non sei como será noutros casos pero a miña primeira experiencia foi boa. E iso que hai datos bastantes de como empiorou a sanidade en Galicia estes anos.


Alí perto hai unha zona cunhas dez casas tapiadas e abandoadas que dan para unha novela de misterio ou apocalíptica. Parei a facer fotos e preguntei a un paisano que me aclarou o misterio. Resulta que o terreo foi mercado pola "  Sona " Franca para ampliar o solo industrial. Pero con isto da crise aí quedou todo como aldea fantasma. Agora só falta que alguén faga unha película aí.

Etiquetas:

3 comentarios:

Ás 00:54, 23/01/16 , Blogger Elvira Carvalho dixo...

Está doente amigo? nada grave, espero.
Bom que foi bem atendido.
Um abraço e rápida recuperação

 
Ás 17:51, 23/01/16 , Blogger Raposo dixo...

Pois debiche ter sorte, porque alí case todo son queixas.
espero que a doenza non sexa grave.
Apertas

 
Ás 20:23, 23/01/16 , Blogger paideleo dixo...

A visita foi rotinaria, nada grave nin contaxioso.

 

Publicar un comentario

És humano ti ?

Subscribirse a Publicar comentarios [Atom]

<< Inicio