leoeosseus

Wednesday, 25 October 2006

Cantinela da cara torta



Como podes ver o Colín admite o novo inquilino da casa sen muito problema. Hai veces que se extraña cando oe algún peidiño que lle escapa a Leo pero o problema non pasa de aí e non se notan excesivos ciumes.

O Leo segue progresando neste mundo e bota as primeiras bagullas líquidas (os nenos non teñen saco lagrimal cando nacen). O que leva pior son os gases que o poñen rallante e fan que retorza a cara en mecos lastimosos. A avoaM, nese caso, dálle un coliño e cántalle unha cantiga que eu non coñecía:

- Fun onda miña madriña que me dera merendiña. Deume unha cunca de papas; a cunca estaba fanada i a culler esfanicada e chaménlle CARA TORTA e deume ca tranca da porta.

Ata a seguinte.

Labels: , ,

11 Comments:

At 25/10/2006, 21:25 , Blogger moucho branco said...

e antes de que te des conta andará xa a correr pola casa...

un saúdo.

 
At 25/10/2006, 21:42 , Blogger Nemeth said...

que linda familia!

que ben que O'Leo teña unha avoa que lle cante cantigas. Cun pouco de sorte, ti cantarasllas aos netiños :)

unha aperta

 
At 26/10/2006, 01:40 , Blogger Torreira said...

Fermoso

 
At 26/10/2006, 02:10 , Blogger *Sara said...

Que riquiños! Alégrome de que todo vaia ben. :)

 
At 27/10/2006, 20:06 , Blogger torredebabel said...

tamén tiven (e teño!) unha avoa que me canta -ainda hoxe cos seus 90 anos- cántigas desas. E eu son dos que creen que sanan males, escampan penas e fan medrar mais feliz. Apertas á avoa cantareira e aos pais e a Leo!

 
At 27/10/2006, 20:06 , Blogger torredebabel said...

tamén tiven (e teño!) unha avoa que me canta -ainda hoxe cos seus 90 anos- cántigas desas. E eu son dos que creen que sanan males, escampan penas e fan medrar mais feliz. Apertas á avoa cantareira e aos pais e a Leo!

 
At 28/10/2006, 00:58 , Blogger Laurindinha said...

Que bonitiño está Leo! Dentro de nada xa o veremos a gatear por aí...
Saúdos!!

 
At 29/10/2006, 12:06 , Blogger Dorvisou said...

¡Disfrutao Pedro, deseguida pasa...!

 
At 29/10/2006, 19:52 , Anonymous Marinha de Allegue said...

Que ben están na foto, da gloria velos.

Beijos para os tres e para o retratista.
;)

 
At 30/10/2006, 19:04 , Anonymous náufrago said...

Fermosa cantiga. Así pasan todos os males.

 
At 03/11/2009, 18:27 , Blogger zeltia said...

unha imaxe preciosa, a foto.
e unha cantiga que non coñecía.

 

Post a Comment

Subscribe to Post Comments [Atom]

Links to this post:

Create a Link

<< Home