Derradeiro día de 2006
Onte foi o derradeiro día do ano e pasamos bastante do día por Vigo. Á mañá topounos nun centro comercial o amigo blogueiro Opaco e familia e o seu Pedriño quería acariñar a Leo. Despois de xantar no Firs dixen de irmos á praia e así o Leo puido coñecer a praíña onde o seu pai aprendeu a nadar. A praia ten o nome sonoro de O Cocho das dornas e está nunha punta de Samil, onde comezou o topless cando estaba proibido. O día estaba ventoso e o mar revolto e gústame cando está así e nos lembra a pouca cousa que somos.
Como non levamos cámara ilustro este texto cunha foto onde está o pai de Leo cos seus pais nesa praia.
escrito por paideleo @ 10:33 PM
9 Comments:
Un pracer coñecer á familia enteira, co Leo á cabeza :) Parabéns!
Que sorte ter unha praia perto, con bon e con mal tempo!
Feliz Aninovo! que O Leo medre a bon ritmo e que aprenda a ler nos Bolechas... eu tamén llos regalo aos meus sobriños pero con resultados máis que dudosos.
apertas fortes
Pois que sea un ano de moitos centímetros para o Leo, e que a felicidade que este lle truxo os seus se perpetue este 2007.
Dende aquela medraches un chisco...agora semellas un pouco mais grande
a maior riqueza que pode ter unha praia é o son das risas dos que son felices nela. Vese ben que esa da foto é riquísima!
Xa estamos no 2007 e non se acabou o mundo. Hai que seguir bogando. Bicos pra todos.
Da gusto percibir a fertilidade do blogomillo.Así deste xeito a continuidade está asegurada...é curioso, dos dois cativos sempre estiven informado xa moito antes de nacer...agora ata teño curiosidade por coñecelos.
Un saúdo e os meus mellores desexos para o 2007.
O mar... A praia... As olas...
Bo lugar para despedir o ano, para comenzalo... para todo.
Con esa foto pois queda como mais conceptual, unha viaxe xeneracional, :)
Post a Comment
<< Home