leoeosseus

martes, 3 de xuño de 2008

Cotos e óqueles



O incendio de hai dous anos en Arbo deixou á vista muitos cotos que é como chaman aos penedos por estas terras. Chamoume especialmente a atención este coto que semella unha cabeza de león para min e non só para min que o Leíño en canto mirou a foto mandou un ruxido.
E, falando do monte, estes días andan veciños comprobando o estado da traída de auga que vén do alto. Un deles caiu nun óquele ou ocle. Eu descoñecía esa palabra e tiveron que explicarme que así é como chaman aos pozos que se facían antigamente no monte para buscar auga. Na actualidade están abandoados e case cubertos por terra e así o veciño tivo unha caída sen problemas.
En fin, dúas palabriñas máis rescatadas do galego falado para o galego virtual.

Etiquetas: ,

6 comentarios:

Ás 04/06/08, 01:54 , Blogger d´Agolada dixo...

Os incendios destruén o noso patrimonio natural, pero deixan á vista outro patrimonio que permanecera oculto.
Por certo, respecto ó que me comentaches no meu blog, é lóxico que nos confundiras a Dany e a mín, blogs semellantes, mismos temas e horarios parecidos... A verdade é que resulta moi lóxico pensar que somos a mesma persoa. O importante é que xa sabes que isto non é así. Unha aperta para ti e para o Leíño.

 
Ás 04/06/08, 19:35 , Blogger Lapis-vermello dixo...

Si, é o malo dos incendios. Dalle saúdos a Leo e bicos.

 
Ás 04/06/08, 19:59 , Blogger Son Unha Xoaniña dixo...

Non coñecía esta palabra "óquele" preguntarei como se chaman por aquí, porque as veces según as zonas, as cousas teñen distintos nomes.
Apertas.

 
Ás 05/06/08, 09:51 , Blogger Ana dixo...

Espero que non volva a pasar lo de hace un par de años e se quemenos nuestra Galicia.
Canto as novas palabras,deixame que aprenda primero as normais,jeje

Bicos

 
Ás 06/06/08, 09:34 , Blogger LM dixo...

onde vivia a avoa havia um numa branha que afogou uma vaca...sim,sim, pela terra de tordoia inclusive os personalizam como se tivessem vida própria. beijos

 
Ás 14/05/12, 11:04 , Blogger Paz Zeltia dixo...

vese que se me escapara este post sin ver, que o de óquele non non o sabía eu.

 

Publicar un comentario

És humano ti ?

Subscribirse a Publicar comentarios [Atom]

<< Inicio