leoeosseus

domingo, 21 de febreiro de 2016

Entruiando un chisco

 

Por fin fixo bo tempo e saíron as comparsas. Aproveitei e percorrín Vilaguindastre coa carauta simpática da foto. Aconsellei deixar de fumar a algúns, pedín que me incluiran nos selfies a outros e tamén pedín o número do móbil a máis dunha. Asustei a non poucos e saudei a algúns veciños, camareiros, o axudante do mecánico, un compañeiro do traballo e un exalcalde de Vilaguindastre.
Logo tocou mirar as comparsas que foron muitas e variadas e as que me gustaron especialmente foron as de Galicia Calidade con peliqueiros e galegas danzantes e a de Nosa Terra no País das Marabillas. Houbo bastante público e o incombustible Cuquín paseaba disfrazado polo medio da xente. O que si constatei foi a pouca xente que ía disfrazada por libre. Supoño que será polo tarde que se celebra o entruido despois de dúas semanas de cancelación.

Etiquetas: ,

4 comentarios:

Ás 13:35, 21/02/16 , Blogger Elvira Carvalho dixo...

O tempo faz coisas engraçadas. Até desfiles carnavalescos em plena quaresma.
Um abraço e bom Domingo.

 
Ás 18:45, 21/02/16 , Blogger Chousa da Alcandra dixo...

Así que pedindo o teléfono ás mozas eh...pillabán!

 
Ás 13:13, 22/02/16 , Anonymous peke dixo...

Gamberreando a pracer, eh! Paréceche bonito? ;)

 
Ás 14:31, 22/02/16 , Blogger Zeltia dixo...

Se non houbese xente con gana de divertirse, con enerxía para levalas á práctica, que sería de nós, os miróns.

 

Publicar un comentario

És humano ti ?

Subscribirse a Publicar comentarios [Atom]

<< Inicio