leoeosseus

Tuesday, 28 June 2016

Os nenos de vacacións


Rematou o curso dos nenos e non comentei como o remataron. Leo sacou mui boas notas: todas notable menos un ben e un sobresaliente e segue especializado en linguas. Leo le muito ( leu 86 libros para un concurso de lectura que quedou en auga de castañas ) e escribe; anque agora está enganchado á serie dos Yo - Kai watch e canta, escribe e busca todo sobre esta serie.
Xela tamén saiu ben do curso e a profe está contenta con ela que traballa, non fala e obedece para abraio meu que lle preguntei se falabamos da mesma Xela. Todos os obxectivos están conseguidos menos coñecer o nome de todos os compañeiros pero que non sei que pasa aí que ela sábeos e da clase do lado tamén muitos. E Xela non para quieta que tanto mira a tele como debuxa como xoga cunha pelota ou fai coleccións de fotos de animais ou observa como xoga o irmán.
Na foto están nun dos poucos momentos de paz entre eles porque ou Leo chincha á irmá ou ela quere xogar a algo e Leo non quere e empeza a de San Quintín.

Labels: ,

3 Comments:

At 28/06/2016, 21:57 , Blogger A Churrusqueira said...

Que gozada a rapazada lectora. Se che conto que nin eu nin o profe de castelán conseguimos que todo o alumnado de ESO lea un libro en cada lingua por trimestre...

 
At 30/06/2016, 01:04 , Blogger paideleo said...

Os nenos á esa idade da ESO non acostuman ler.
Eu tampouco lía con esa idade.
Haberá que buscar outros libros ou incentivalos dalgún xeito pero é difícil. Se non queren non queren e non hai maneira.

 
At 06/07/2016, 13:26 , Blogger Zeltia said...

hahaha soa bonito como o contas, despois xa asistir á batalla, xa non sei :)

Noraboa polos éxitos dos fillos

 

Post a Comment

Subscribe to Post Comments [Atom]

Links to this post:

Create a Link

<< Home