leoeosseus

Thursday, 6 April 2017

Ecoloxismo VS " culoxismo "

 
Este día pedía unha volta pola natureza e acerqueime ata Orbenlle a ver como estaba a lagoa.



Nun cruce de camiños do camiño de Santiago había dúas pedras a modo de asento e un Cristo pequeno enterrado mirando algo.


Ese algo é toda unha exposición de arte dun pintor local que ten un blogo parado onde sain algunhas das súas obras.
O pintor é Xai Oscar.


A un paso están as Gándaras de Budiño co terreo onde estaba o centro de interpretación onde morreu un veciño que andaba aproveitando material daquela ruina.
Ao final a natureza recupera o espazo perdido.


Eu estaba feliz facendo fotos a cartaces ou á lagoa tratando de cazar coa cámara algún parrulo ou outro animal cando noto que hai un home mirándome dende outro observatorio. Tiña a man nun vulto da entreperna e caín da burra de por que habían dous homes máis por alí, sós e sen cámaras: o lugar non era para ecoloxistas senón para " culoxistas ".


Marchei dalí co rabo entre as pernas ( nunca millor dito ) con dous homes seguíndome coa mirada.
Montei no coche e fun a Vilaguindastre para limpar a mente e a vista pero, como de casualidade, aparquei detrás do coche este de nome tan " curioso ". Semellaba unha maldición que me seguía !.

Bueno, son cousas que pasan e así as conto.

Labels: , , ,

1 Comments:

At 16/04/2017, 17:55 , Blogger ♥ meninheira ♥ said...

Sorpreeeesaaaaa :D

Estaba a ver um post velho do colinho e alí estabas ti e vim ver se seguías por estes lares e siiii :D

Pois é só para deixar um biquinho e desexos de que esteades bem
requetemuuuuuuuuuas!
meni*

 

Post a Comment

Subscribe to Post Comments [Atom]

Links to this post:

Create a Link

<< Home