leoeosseus

xoves, 24 de xullo de 2014

Trixésimo séptimo mes


A xoubiña está nunha etapa especial onde hai días que non toma teta. Será por iso ou non que non quere separarse da nai e pregunta por ela mesmo dentro da casa e non a deixa nin bañarse na praia. Tamén tivo uns días dispersos que volvía mexar por ela e si en cambio noutro momento ía ela soa ao baño. Polo resto segue igual: come pouco, gústalle cambiar de actividade e fala con todos.
A ver para o mes que novidades hai.

Etiquetas:

sábado, 19 de xullo de 2014

E dalle que dalle



Con solpores que Xela non admira ao quedar durmida.
 


Nese intre da noitiña asomaba a dona das noites e as mareas que nos deixaba case sen praia estes días.
 


Imos coñecendo os recantos como este do Montiño que ten boas vistas e non está edificado senón dominado por un eucalipto vello.
A min dábame na espiña que tiña algo de especial e sagrado este sitio e non só polos lucecocos que son tan raros de mirar na actualidade.
E topei unha pedra enigmática.
 


Como tamén ten o seu aquel a pedra do dinosaurio que Xela quería mirar pasar.

 


Agora toca esperar que volva o tempo de verán para seguir coñecendo cousas e xente como o estranxeiro leitor que bota todo o día nas rochas lendo cos seus dous canciños inseparables.

 


Entón ata outra.

Etiquetas:

martes, 8 de xullo de 2014

Vacacións a trompicóns

 
Mentres a familia desfruta da auga máis quente do Morrazo.


Ou de solpores de película.

 
Ou de paseos polas ruelas que conservan algún recanto tradicional.

 
Onde un canastro pode converterse nun buzón xigante.
 


Ou tamén pode a familia aprender historia grazas a uns actores que ata meteron medo aos nenos cos seus berros da batalla de Rande.
Pois iso, mentres a familia desfruta eu vou aproveitando a trompicóns o tempo libre que me deixa o traballo.
A ver se millora o tempo.

Etiquetas:

martes, 1 de xullo de 2014

Rematou xuño

 
Rematou xuño e o costume de roubar cancelas e carros ou o que se tercie por san Pedro vai a menos. Como tamén vai a menos a árbore familiar que perdeu unha póla.

 

 
 
Pero tamén hai novas alegres como a descuberta dun blogo de Tumblr que me fai rir.
En honor a el poño esta foto dun superhéroe galego; Supermán, o que ten a man grande.

E falando de superhéroes que tal está Xela disfrazada de Spiderman ciclista ?.

 
A Xela gústalle pór cousas nos ollos e na cabeza e así tamén se disfraza de nadadora.
 
E agora a ver que trae xullo.

Etiquetas: , , ,