leoeosseus

sábado, 25 de xullo de 2015

Cuadraxésimo noveno mes ( e mais un día )


A xoubiña vai ter que mudar de nome e chamarse a chinchiña que só fai comer chinchos. A Xela é a raíña dos chinchos e do colo que quere estar no colo sen lle importar de quen. Gústalle a praia e xogar coa area e a auga. Non anda pero se lle botas unha carreira na area apúntase. No comer aparte dos chinchos segue enganchada ao sanduiche de Nocilla, aos batidos e ao xelado de Haribo. Na forma de ser segue sendo teimuda e ata fai un quebracabezas dun dinosaurio que non sei facer eu. Non lle gusta perder a nada e non lle gusta que a chinchen pero ela é a primeira en chinchar e pegar que ten a man levantada.
Pero tamén ten momentos mecosos e cariñosos que che fan perdoala nesta guerra de tratos e cesións entre pais e fillos.

Etiquetas:

mércores, 22 de xullo de 2015

Vlrñ


Sucédense os días en Vlrñ ( abreviatura no Whatsapp de Vilariño ) entre paseos.


Pizzas.


Dar de comer aos parrulos.


Observar fauna mariña e outra difícil de clasificar.

 
 
Retratar estampas mariñeiras.
 


Luitar contra a marea con muros e castelos.


Rescatar flotadores que guinan ou van á deriva.


Baixo un ceo azul.


Ou mesmo gris e case fuxindo dunhas pingas de chuva.


E todo isto coas inexcusables idas e vindas ao choio.

Etiquetas:

venres, 10 de xullo de 2015

Estragando gasoil



Pasei por terras ourensás da Peroxa cunha furgoneta carregada de mobles detrás de dous camións cargados perigosamente de herba.


Cheguei a terras luguesas de Pantón para descargar mobles na casa enfronte desta da foto que sempre me abraiou.

 
 
 A furgoneta non era un camión grande así que non houbo problema.

 
 
Tampouco era grande o castelo no bosque encantado de Aldán. Nótase que era un minicastelo para un minigolf.
 

 
 

E das sombras do pasado pasamos á luminosidade dos tempos modernos cuns apartamentos de verán veciños nosos por unha tempada.


Tantos quilómetros teñen a súa recompensa: unha foto con Xela de dúas sombras mariñas.

Etiquetas: , ,

sábado, 4 de xullo de 2015

Consellos


Hai consellos mui bos por aí adiante pero están ben para o inverno.



Neste tempo o que presta é gozar do bo tempo, boas paisaxes, comer fóra e revisitar lugares.
Aledeime de mirar a chalana " Polvo " recén pintado e que o dono, un home xa maior, estivese activo.
Mentres a familia está por esas terras do Morrazo eu teño que ir e vir para o choio.
Éche o que hai !...e menos mal !.

Etiquetas: