leoeosseus

sábado, 27 de abril de 2019

Nonaséximo cuarto mes ( e mais catro días )


Pasábaseme o mesario da xoubiña que miramos aquí no seu primeiro campionato de xadrez.
Pouco novo hai que engadir sobre ela: come pouco, segue activa e espabilada e xoga coa cadela e búscalle bechiños entre a pelaxe.
No campionato pasouno ben con descansos no parque do Dotacional de Torroso onde xogou a escalar, ao paifillonai, falou na linguaxe de signos cunhas nenas, tocamos música co metalófono ( aprendeume o nome ela ) e xogou con Antía, unha compañeira de xadrez.
E seguimos coa conta.

Etiquetas:

martes, 23 de abril de 2019

Máis ca libros

 
Esta semana santa non foi de grandes viaxes. Quedamos cerca como no paseo pola veciñanza onde nunha poza aparecen distintos escearios flotantes.


Outro día fomos visitar o amiguiño L. de Xela e pasamos por lugares que nunca pasei eu.


Cos amigos morracenses fomos a unha tapería de Mourente, Pontevedra e logo fomos baixar o comido ( que non foi pouco ) paseando polo río Lérez.


E outro día tamén fomos ao zoo porque o amigo de Leo T. S. nunca fora. O zoo está indo a menos sen león, cun só oso, e uns tigres e lobos que non están á vista. Iso si, as tartarugas están pletóricas.

E agora toca ler que estou nunha tempada lectora tanto de libros como de cómics.

Etiquetas:

martes, 16 de abril de 2019

Cultura




 
 
 
Con este goberno local hai garantizadas actuacións de contacontos, magos, actores teatrais e acróbatas.
A ver se non perdemos esta cultura.

Etiquetas: ,

mércores, 10 de abril de 2019

Modernizándose


Na fábrica estamos automatizando e hai tanta xente con chaleque reflectante que semella París en plena protesta dos " coletes " amarelos.
Tamén Google Maps actualizou imaxes de Vilaguindastre e aquí saio eu retratando o coche que me fixo a foto. A imaxe miña con dedos facendo o sinal da vitoria non saiu.

 


Etiquetas: ,

sábado, 6 de abril de 2019

Precampaña

 

Estamos na precampaña e cementan parques infantís que antes eran de terra para facer chorar a nenos, tiran casas abandonadas ( logo xa lle cobrarán ao dono esta obra ) e inzan brigadas de limpeza, de xardíns e de amaño de farolas. Iso si, unhas cousas quedan sen arranxar e algún disconforme di: " Eu non voto. Arreglarme cando vos sala do carallo. "
Que repetitiva e vulgar se me fai a precampaña !.

Etiquetas: ,

venres, 5 de abril de 2019

4-4-2044


Cos meus 78 anos acabados de cumprir podo por fin escribir aquí. Non é nada doado: muito mudou o mundo. O que queda da familia non sei onde a teño e mesmo eu estou nun campo de concentración tratando de xustificar que non son católico nin tan siquera cristián. Vivo en plena zona invadida ( máis ben cedida ) ao Imperio Musulmán que xurdiu despois da rendición da coalición Xudeunorteamericana. Muito mudou o meu mundo. Demasiado mesmo comparando co nome desta tenda de Vilaguindastre que trocou de nome tres veces en cinco meses e que, a Allah louvado graciñas, xa non existe por imaxe pecadora e nome virandeiro neste 4-4-2044.
Tratarei de seguir informando.

Etiquetas: ,

martes, 2 de abril de 2019

Posta no día


Este final de marzo tíveno bastante liado coa casa. Levantar o céspede todo cos seus lastros enterrados que semellaba un Machu Pichu esquecido, botar herba e volver enterrala. Tamén tivemos o problema dunha filtración de auga no cuarto de Xela e está todo desmontado.
Tocáronme unhas vacacións activas !.

Etiquetas: