Polo san Pedro regha a medo
![](https://blogger.googleusercontent.com/img/b/R29vZ2xl/AVvXsEjsQij_jGNplxnowDZ6Wtmg2EL_OXWFiq4puTwe7jYE81_lHPd1pBq9MOkQduQFqvNYql6CMQ8USiv6dboqOZlXQX2GeocPNL0pjDjMR28TbNCCNnxW_ZZTRxcngUz-QNl_4MMIDA/s320/sanpedro+014.jpg)
Sempre que vou a Arbo aprendo historias e palabras descoñecidas. Hoxe é san Pedro e saiu na conversa o dito " Polo san Pedro regha a medo " que significa que hai que regar con control. A bisavoa Celia empezou a falar das regas de hai máis de corenta anos. Empezaban o día de san Pedro. Existía o minuteiro, un home que levaba reloxio e controlaba os minutos de rega que lle tocaba a cada veciño. Cando chegaba o cambio de turno cun asubío pupaba e sabía o veciño que tiña que facer a tola, o desvío na levada de auga para que fose á súa veiga. E así día e noite para aproveitar o tempo e a auga. Os veciños xuntábanse a esperar e mentres falaban e contaban contos.
Bueno, historias doutros tempos.
Etiquetas: arbo I, etnografia II, lingua II